छत्रपती संभाजीनगरजवळ : समृद्धी महामार्गावर भीषण अपघाताची बातमी समोर येत आहे. समृद्धी महामार्गावर उभ्या असणाऱ्या आयशरला ट्रॅव्हलर टेम्पोने जोरदार धडक दिली. या अपघातामध्ये १५ प्रवासी जखमी झाले असुन दोघांची प्रकृती गंभीर असल्याची माहिती मिळत आहे. जखमींना रुग्णालयात दाखल करण्यात आले आहे.
मिळालेल्या माहितीनुसार, समृद्धी महामार्गावरुन भीषण अपघात झाला आहे. छत्रपती संभाजीनगरजवळ ही अपघाताची घटना घडली असल्याची माहिती मिळत आहे. रस्त्यावर उभ्या असलेल्या आयशर ट्रकला टेम्पोट्रॅव्हलरने जोराची धडक दिली. या अपघातामध्ये १५ प्रवासी जखमी झाले असून त्यामधील दोघांची प्रकृती गंभीर असल्याची माहिती मिळत आहे.
सकाळी साडेचार वाजण्याच्या सुमारास हा भीषण अपघात झाला असल्याची माहिती समोर आली आहे. ट्रॅव्हल्सने ट्रकला दिलेली धडक इतकी भीषण होती की यामध्ये दोन्ही गाड्यांचे मोठे नुकसान झाले असून ट्रॅव्हल्सच्या समोरील भागाचा चुराडा झाला आहे. जखमींपैकी ड्रायव्हर आणि सहायकाची प्रकृती गंभीर असल्याचे सांगण्यात येत आहे. त्यांना रुग्णालयात दाखल करण्यात आले असून उपचार सुरू आहेत.
