Cyber Alert: गेल्या काही वर्षांपासून दिवसेंदिवस सायबर गुन्हे वाढले आहे. सद्या सोशल मीडियावर पुन्हा एकदा सायबर फसवणुकीचा प्रकार उघडकीस आला आहे. फ्री गिफ्ट आणि बक्षीसांचा मोह दाखवून आपल्या व्हॉट्सअॅपवर लिंक येतात. या लिंक मोठा प्रमाणात शेअर केली जात आहे. लिंकवर क्लिक करताच अनेकांच्या बॅंक खाते रिकामी होतात अश्या अनेक घटना आजवर आपण पाहिल्या आहेत. अश्या घटनांनतंर प्रशासनांनी नागरिकांना सावध राहण्याचे आवाहन करत आहे.
या संदर्भात महाडीबीटीधारक शेतकऱ्यांना आणि नागरिकांना सावधगिरी बाळगण्याचा इशारा दिला आहे. प्रशासनाने सांगितले की, आपल्या मोबाईलवर किंवा व्हॉट्सअॅपवर एखादी अनोळखी लिंक येत असेल तर त्यावर क्लिक करू नका. हा फसवणूकीचा खेळ असू शकतो. सदर लिंकमध्ये दडलेले सॉफ्टवेअर तुमच्या मोबाईलमध्ये प्रवेश करून त्यावरील संपूर्ण कंट्रोल हॅकरकडे देतात. यामुळे तुमची वैयक्तिक माहिती, OTPs, बँक डिटेल्स आणि व्यवहारांची माहिती चोरीला जाऊ शकते. यामुळे तुमच्या वैयक्तिक माहितीचा गैरफायदा घेतला जाऊ शकतो.
जर एखाद्या अनोळखी किंवा संशयास्पद लिंकवर क्लिक केले तर काय कराल?
अनोळखी कॉल्स, लिंक आणि मेसेजवर विश्वास ठेवू नये. एखाद्या वेळीस आपल्याकडून संशयास्पद किंवा अनोळखी लिंकवर क्लिक होऊ शकते अश्यावेळीस सर्वप्रथम आपण आपल्या मोबाईलचे नेट बंद करून टाका जेणेकरून ती प्रक्रिया पूर्ण होऊ शकणार नाही. यासदंर्भात पोलिसांना आणि सायबर क्राईम पोर्टलवर माहिती द्या.
महाडीबीटीकडून शेतकऱ्यांना सूचना
शेतकऱ्यांना महाडीबीटी प्रशासनाकडून सूचना देण्यात आले आहे. सरकारी योजना किंवा गिफ्टविषयी कोणतीही माहिती फक्त अधिकृत वेबसाइट्स किंवा अॅप्सवरूनच तपासावी. अनोळखी कंपनीकडून आलेल्या लिंक, मेसेज किंवा कॉलवर विश्वास ठेवू नये.
