Shiv Sena Thackeray and MNS Yuti: मोठी घडामोड! निवडणुकीच्या तोंडावर मनसैनिक ‘मशाल’ चिन्हावर उतरले मैदानात; काय घडलं?

Shiv Sena Thackeray and MNS Yuti: मुंबई महापालिका तसेच राज्यातील इतर महापालिका निवडणुकांच्या पार्श्वभूमीवर शिवसेना (ठाकरे गट) आणि मनसे युतीची (Shiv Sena Thackeray and MNS Yuti) जोरदार चर्चा सुरू असताना निर्णायक घडामोडी घडू लागल्या आहेत. दोन्ही पक्षांमध्ये जागावाटपांच्या चर्चा सुरू असतानाच कार्यकर्त्यांच्या पातळीवर ‘मनोमिलन’ प्रत्यक्षात दिसू लागले आहे. अंबरनाथमध्ये मनसेचे उमेदवार थेट शिवसेना ठाकरे गटाच्या  ‘मशाल’ चिन्हावर निवडणूक लढवणार असल्याची माहिती समोर आली आहे. (Maharashtra Politics Latest News)

स्थानिक राजकीय समीकरण लक्ष्यात घेऊन निर्णय घ्या; Raj Thakare

राज्यातील नगरपरिषद आणि नगरपंचायत निवडणुकांसाठी उमेदवारी अर्ज दाखल करण्याची अंतिम मुदत सोमवारी (17 नोव्हेंबर) दुपारी 3 वाजता संपली. मुदत संपण्याच्या काही तास आधीच मनसे अध्यक्ष राज ठाकरे यांनी महत्त्वाचा निर्णय घेतला. त्यांनी अंबरनाथमधील कार्यकर्त्यांना अधिकृत उमेदवारी न देण्याचे आदेश जारी केले. कोणालाही पक्षाची अधिकृत उमेदवारी दिली जाणार नसून, इच्छुकांनी अपक्ष म्हणून किंवा स्थानिक राजकीय समीकरण लक्ष्यात घेऊन निर्णय घ्यावा, असे म्हटले होते.

हेही वाचा: पुण्यात खासगी बसेसना आता फक्त ‘या’ वेळेत एंट्री; जाणून घ्या संपूर्ण नियमावली

मनसेचे 14 उमेदवार मशाल चिन्हावर निवडणूक लढवणार

याच पार्श्वभूमीवर अंबरनाथमध्ये नाट्यमय घडामोड घडली. नगर परिषदेची निवडणूक लढवण्यास इच्छुक असलेल्या मनसेच्या  14 उमेदवारांनी शिवसेना ठाकरे गटाच्या मशाल चिन्हावर निवडणूक लढवण्याचा निर्णय घेतला. प्रत्येक पॅनलमध्ये एक मनसे उमेदवार आणि एक ठाकरे गटाचा उमेदवार असा फॉर्म्युला ठरल्याची माहिती मिळत आहे. या उमेदवारांनी अधिकृतपणे अर्जही दाखल केले आहेत.

काँग्रेसला वगळून तीन पक्ष एकत्र

दरम्यान, अंबरनाथमध्ये काँग्रेसला समीकरणातून बाहेर ठेवत नव्या आघाडीची निर्मिती करण्यात आली आहे. शिवसेना ठाकरे गट, मनसे आणि राष्ट्रवादी काँग्रेस (शरद पवार गट) हे तिन्ही पक्ष एकत्र आले असून नगराध्यक्ष पदासाठी अंजली राऊत यांना उमेदवारी देण्यात आली आहे. राऊत यांनी सोमवारी आपला उमेदवारी अर्ज दाखल केला.

हेही वाचा: पुणेकरांना मोठा झटका! वाहतुकीचे नियम 3 वेळा मोडल्यास आता…; वाहतूक विभाग करणार मोठी कारवाई, जाणून घ्या..  

काँग्रेसचं स्वतंत्र पॅनेल

काँग्रेसने या आघाडीतून बाहेर पडण्याचा निर्णय घेत स्वतंत्र पॅनेल आणि नगराध्यक्ष पदाची निवडणूक लढवण्याची घोषणा केली आहे. आगामी निवडणुकीत अंबरनाथचे राजकीय चित्र अवघड समीकरणांनी अधिकच रंगतदार होण्याची चिन्हे दिसत आहेत.

हेही वाचा: निवृत्तीनंतर तुम्ही 1 कोटी रुपये कसे मिळवाल? गुंतवणुकीचा गुरुमंत्र जाणून घ्या…