लहू चव्हाण
फलटण : फलटण येथे दरवर्षी होणाऱ्या राज्यस्तरीय धर्मवीर साहित्य संमेलनाच्या अध्यक्षपदी राष्ट्रीय पुरस्कार प्राप्त शिक्षक महाराष्ट्र बुक आँफ रेकाँर्डिश लेखक जगन्नाथ शिंदे यांची निवड करण्यात आली आहे.
अँग्रो न्युजचे अध्यक्ष प्रकाश सस्ते, कार्याध्यक्ष प्रा.नितीन नाळे, सदस्य ज्ञानेश्वर देशमुख यांचे समितीने ही निवड जाहीर केली. जगन्नाथ शिंदे यांना निवड पत्र देऊन पेढे भरविले. रामराजे निंबाळकर यांचे पंच्याहत्तराव्या वर्धापनदिनाचे औचित्य साधुन हे संमेलन भव्य दिव्य करण्याचे ठरले आहे.
हे संमेलन दि. २७ फेब्रुवारी रोजी फलटण येथे होणार आहे. जगन्नाथ शिंदे यांनी शंभरहून अधिक पुस्तके लिहिली असून आतापर्यंत त्यानी सोळशी येथील राज्यस्तरीय संमेलन, फलटण येथिल राज्यस्तरीय नाट्य संमेलन, माण दुष्काळी राज्यस्तरीय साहित्य संमेलन व अनेक कविसंमेलनाचे अध्यक्षपद भुषविलेली आहेत. त्यांच्या निवडीने साहित्य क्षेत्रात आनंद व्यक्त होत आहे.
