पुणे : राजधानी दिल्लीतील जतंरमंतरवरील आंदोलनाच्या यशानंतर,कॉकरोच जनता पार्टीचे अभिजित दिपके आता पुन्हा नवा डाव आखण्याच्या तयारीत आहेत.दिपके यांनी सोशल मीडियावर एक पोस्ट केली आहे . “केवळ एका धर्मेंद्र प्रधान यांच्या राजीनाम्याने काय बदलणार?” असा सवाल करत त्यांनी हसणारा इमोजी पोस्ट केला आहे. यातून नव्या आंदोलनाचा इशारा देण्यात आला आहे.
मे महिन्याच्या शेवटी अमेरिकेतून भारतात परतलेले अभिजीत दिपके थेट जंतरमंतरवरील आंदोलनात सहभागी झाले. अल्पावधीतच त्यांच्या कॉकरोच जनता पार्टीला देशातील तरुणांचा मोठा पाठिंबा मिळाला. सरकार जबाबदारीतून पळ काढू शकत नाही, असा पवित्रा त्यांनी घेतला होता. या आंदोलनानंतर तत्कालीन केंद्रीय शिक्षण मंत्री धर्मेंद्र प्रधान यांनी राजीनामा दिला.
यानंतर CJP ने आपला मोर्चा सरकारी शाळांच्या दुरवस्थेकडे वळवला आहे. ‘स्कूल ठीक करो’ या मोहिमेची सुरुवात महाराष्ट्रातून झाली. राजस्थानमध्ये काम करताना कार्यकर्त्यांना मारहाणीच्या प्रसंगाला सामोरे जावे लागले, तरीही नागरिकांच्या मदतीने हे अभियान पुढे सुरू राहिले.
दरम्यान, उत्तर प्रदेश सरकारने 14,429 प्राथमिक शाळांचे रुपांतर ‘स्मार्ट शाळां’मध्ये करण्याची मोठी घोषणा केली आहे. 300 कोटी रुपयांच्या या योजनेला राज्य मंत्रिमंडळाने मंजुरी दिली आहे. या घडामोडीनंतर इतर राज्यांनीही असाच निर्णय घ्यावा यासाठी CJP कडून पाठपुरावा केला जात आहे.
या सर्व पार्श्वभूमीवर. केवळ एका मंत्र्याच्या राजीनाम्याने संपूर्ण शिक्षण व्यवस्था सुधारणार नाही, असे स्पष्ट करत विरोधक आणि आत्ममग्न लोकांवर निशाणा दिपके यांनी साधला आहे.आता CJP इतर राज्यांमध्येही मोठे आंदोलन उभे करण्याच्या तयारीत असल्याचा अंदाज बांधला जात आहे.
