Champion Trophy 2025 : चॅम्पियन्स ट्रॉफी 2025 स्पर्धेत भारताने पाकिस्तानचा धुव्वा उडवला आहे. भारताकडून पराभव स्वीकार करताच पाकिस्ताने आपलं नेहमीच रडगाणं सुरु केलं आहे. त्यामुळे भारताविरुद्ध झालेल्या पराभवाची पाकिस्तानकडून काहीही कारणं देण्यात येत आहेत. आधुनिक जगात पाकिस्तानी मीडियात होणारी चर्चा पाहून तुम्हाला हसू आवरता येणार नाही. या चर्चेत टीम इंडियाने काळ्या जादूने सामना जिंकल्याचा आरोप करण्यात आला आहे.

चॅम्पियन्स ट्रॉफीच्या साखळी फेरीत पाकिस्तानला धूळ चारली आहे. यामुळे भारताने उपांत्य फेरी गाठली आहे. दुंबईत खेळण्यात आलेल्या सामन्यात नाणेफेक जिंकून कर्णधार मोहम्मद रिझवानचा प्रथम फलंदाजी स्वीकारण्याचा निर्णय त्यांच्याच अंगलट आला.
पाकिस्तानने सर्व गडी गमवून 241 धावा केल्या आणि विजयासाठी 242 धावांचं आव्हान दिलं. हे आव्हान भारताने 42.3 षटकात फक्त 4 गडी गमवून पूर्ण केलं. भारताकडून विराट कोहलीने शतकी खेळी करून भारताला विजय मिळवून दिला. भारताच्या विजयामुळे पाकिस्तानचं या स्पर्धेतील आव्हान संपुष्टात आलं आहे.

या पराभवानंतर पाकिस्तान क्रीडाप्रेमींना जणू मानसिक धक्का बसला आहे. इतकंच नाही तर पाकिस्तान मीडियातही विचित्र चर्चा होऊ लागल्या आहेत. पाकिस्तान पराभूत होण्याची हास्यास्पद कारण एका चर्चे दरम्यान देण्यात आलं आहे. ही चर्चा ऐकून कुणालाही हसू आल्याशिवाय राहणार नाही.
22 पंडित बाहर से और तीन पंडित रोहित ,हार्दिक और अय्यर टीम में फिर तो पाकिस्तान को हारना ही था ???????? pic.twitter.com/zaNsq6PUjW
— Raja Babu (@GaurangBhardwa1) February 24, 2025
नेमकी चर्चा काय?
मीडियात रंगलेल्या चर्चेत एका पॅनेलने सांगितलं की, भारताकडून दुबई आंतरराष्ट्रीय स्टेडियममध्ये काळी जादू करण्यासाठी 22 पुजारी पाठवण्यात आले होते. यामुळे पाकिस्तानी खेळाडूंचं लक्ष विचलीत झालं आणि त्याचा फटका संघाला बसला. इतकच काय तर काळ्या जादूसाठीच भारताने पाकिस्तानात खेळण्यास नकार दिला होता. कारण त्यांना जादूटोणा करायचा होता.
पण, हे पाकिस्तानात खेळले असते तर काळी जादू करता आली नसती. इतकंच काय तर दुबईतील सामन्यापूर्वी सात पुजऱ्यांनी मैदानावर धार्मिक विधी केल्याचा आरोप देखील या चर्चेत करण्यात आला आहे. आता ही हास्यास्पद चर्चा सोशल मीडियावर तुफान व्हायरल होत आहे.







