पुणे : भारतीय टेनिस स्टार सानिया मिर्झा आणि पाकिस्तानी क्रिकेटर शोएब मलिक यांनी घटस्फोटाच्या बातम्यांदरम्यान एक मोठी घोषणा केली आहे.
दोघेही लवकरच एकत्र दिसणार आहेत. वास्तविक, सानिया आणि शोएबने जाहीर केले आहे की ते एक टॉक शो घेऊन येणार आहेत.
काही दिवसांपूर्वीच सानिया मिर्जाने एक सोशल मिडीयावर स्टोरी शेअर केली होती. त्यानंतर सानिया आणि पती शोऐब मलिक यांचा घटस्फोट होणार असल्याच्या चर्चांना उधाण आलं होत.
या चर्चेनंतर शोऐबच्या एका जवळच्या मित्राने शोऐब सानिया घटस्फोट घेणार असल्याच्या अफवांवर शिक्कामोर्तब केला होता. तरी आता उर्दु फ्लिक्स ऑफिशिअलने आपल्या इंस्टाग्रामच्या अधिकृत पेजवर एक पोस्टर शेअर केलं आहे. ज्यात सानिया आणि शोऐब एकत्र दिसुन येत आहेत.
मॉडेल आयशा उमरसोबत शोएब मलिकचे नाव जोडले जात आहे. शोएब आणि आयशा एकमेकांना डेट करत असल्याचे मीडिया रिपोर्ट्समध्ये म्हटले जात आहे. त्यामुळे सानिया आणि शोएबमध्ये अधिकृत घटस्फोट झाला आहे.
मात्र आता नव्या शोची घोषणा झाल्याने चाहत्यांमध्ये सस्पेन्स वाढला आहे की, दोघांचा खरच घटस्फोट झाला आहे का? की दोघांमध्ये सर्व काही ठीक चालले आहे? या प्रश्नांची उत्तरे कदाचित टॉक शो आल्यावरच मिळू शकतील.
