लोणी काळभोर येथील वैभव लाडची उत्तुंग भरारी; तालुकास्तरीय धावणे व उंच उडी स्पर्धेत प्रथम

विशाल कदम
लोणी काळभोर, ता.१० : लोणी काळभोर (ता. हवेली) येथील इंग्लिश मीडियम स्कूलचा विद्यार्थी वैभव तुकाराम लाड याने तालुकास्तरीय धावणे व उंच उडी स्पर्धेत प्रथम क्रमांक पटकाविला आहे. वैभव लाड या विद्यार्थ्यावर लोणी काळभोर व परिसरातील नागरिकांकडून कौतुकाचा वर्षाव होत आहे.

फुलगाव (ता. हवेली) येथे तालुकास्तरीत स्पर्धेचे नुकतेच आयोजन करण्यात आले होते. या स्पर्धेत इंग्लिश मीडियम स्कूलच्या विद्यार्थ्यांनी सहभाग घेतला होता. विद्यार्थ्यांनी धावणे, मीटर धावणे व उंच उडी या मैदानी स्पर्धेत घवघवीत यश संपादन केले.

विद्यालयाचा विद्यार्थी वैभव लाड याने ४०० मीटर धावणे, ६०० मीटर धावणे, उंच उडी या मैदांनी स्पर्धेमध्ये प्रथम क्रमांक पटकाविला आहे. प्रणव सानप याने 100 मीटर धावणे व उंच उडीत तृतीय क्रमांक, विजय राजवीर टॉम्पे याने १०० मीटर धावणे स्पर्धेत तृतीय क्रमांक, कार्तिक अविनाश ढवळे याने १०० मीटर धावणे स्पर्धेत तृतीय यशराज दत्तात्रय काळभोर याने मीटर धावणे तृतीय क्रमांक पटकाविला आहे. तर ४ × ४०० मीटर धावणे रिले या स्पर्धेत फैज अन्सारी, प्रणव काळे, विजय टोंपे, सिद्धेश खेडकर, शुभम सातपुते यांनी तृतीय, अमृत प्रकाश कराड याने१५०० मीटर धावणे स्पर्धेत तृतीय क्रमांक मिळविला आहे.

 

दरम्यान, वैभव लाड या विद्यार्थ्याची जिल्हास्तरीय स्पर्धेसाठी निवड झाली आहे. तसेच विद्यालयाच्या विद्यार्थ्यांची ८० मीटर व ११० हर्डल रेस या स्पर्धेसाठी जिल्हास्तरीय निवड झाली आहे. विजेत्या खेळाडूंना शिक्षक शाहीन शेख, विशाल झुरुंगे, सैफुल शेख, निलेश काळभोर यांचे मार्गदर्शन मिळाले. तर शिक्षेकेतर कर्मचारी अलका रोडे यांची मदत मिळाली.

यशस्वी खेळाडू व क्रीडा शिक्षकांचे विद्यालयाचे वतीने प्राचार्या पौर्णिमा शेवाळे यांनी अभिनंदन करून पुढील वाटचालीसाठी शुभेच्छा दिल्या. यावेळी शिक्षक, शिक्षकेतर कर्मचारी व विद्यार्थी मोठ्या संख्येने उपस्थित होते.

विजेते खेळाडू, क्रीडा शिक्षकांवर कौतुकांचा वर्षाव

तालुकास्तरीय मैदानी स्पर्धेत इंग्लिश मीडियम स्कूलच्या खेळाडूंनी विविध स्पर्धांमध्ये बाजी मारली आहे. त्यामुळे विजेते खेळाडू व क्रीडा शिक्षकांवर लोणी काळभोर व परिसरातील नागरिकांकडून कौतुकांचा वर्षाव होत आहे.