मुंबई: भारतीय क्रिकेट स्टार स्मृती मानधना आणि प्रसिद्ध संगीतकार पलाश मुच्छल यांच्या लग्नाची तारीख पुढे ढकलल्यामुळे अनेक प्रश्न निर्माण झाले आहेत. सुरुवातीला स्मृतीचे वडील श्रीनिवास मानधना यांच्या अचानक बिघडलेल्या तब्येतीमुळे लग्न थांबले, असे सांगितले गेले. मात्र, आता स्मृतीने तिच्या सोशल मीडिया अकाउंटवरून पलाशसोबतचे फोटो डिलीट केल्यानंतर चर्चांना उधान आले आहे.
वडिलांची तब्येत आणि भावनिक धक्का
पलाशची आई अमिता मुच्छल यांनी सांगितले की, लग्न समारंभापूर्वी स्मृतीचे वडील श्रीनिवास मानधना यांची तब्येत बिघडल्याने पलाश खूप अस्वस्थ झाला. स्मृतीच्या वडिलांशी त्याचे जिव्हाळ्याचे संबंध असल्याने तो जवळपास 4 तास रडत होता. या धक्क्यामुळे त्याला रुग्णालयात दाखल करण्यात आले. वडिलांच्या पूर्ण रिकव्हरीपर्यंत लग्न न करण्याचा निर्णय पलाशने घेतला होता.
स्क्रीनशॉट व्हायरल, विश्वासघाताची चर्चा
दुसरीकडे सोशल मीडियावर पलाश मुच्छल आणि ‘मेरी डिकॉस्टा’ नावाच्या मुलीच्या चॅटचे काही कथित स्क्रीनशॉट व्हायरल झाले आहेत. दोघांचे संभाषण स्मृती आणि पलाशचे लग्न ठरल्यानंतरचे असल्याचे सांगितले जात आहे. या व्हायरल चॅटमुळे पलाशने स्मृतीचा विश्वासघात केला असल्याचा प्रश्न उपस्थित होत आहे.
समोर आलेल्या माहितीनुसार, श्रीनिवास मानधना यांना हॉस्पिटलमधून डिस्चार्ज मिळाला आहे. दरम्यान, एकीकडे वडिलांची तब्येत आता बरी होत असतानाच, लग्न नेमके कोणत्या कारणामुळे पुढे ढकलले गेले, याबद्दल सोशल मीडियावर चर्चा सुरु झाल्या आहेत.
