IND vs SA मुंबई: जसप्रीत बुमराह हा भारत आणि दक्षिण आफ्रिका यांच्यात खेळल्या जाणाऱ्या कसोटी मालिकेचा भाग आहे. बुमराहने टीम इंडियासाठी अनेक प्रसंगी चमकदार कामगिरी केली आहे. त्याच्या घातक गोलंदाजीमुळे भारताने अनेक कठीण सामने जिंकले आहेत. बुमराहला पुन्हा एकदा त्याची जादू दाखवण्याची संधी आहे. दक्षिण आफ्रिकेविरुद्धच्या कसोटीत त्याने शानदार गोलंदाजी केली तर तो इशांत शर्माचा विक्रम मोडू शकतो.
खरे तर अनिल कुंबळेने दक्षिण आफ्रिकेविरुद्ध भारताकडून सर्वाधिक विकेट्स घेतल्या आहेत. या बाबतीत बुमराह सध्या 10 व्या क्रमांकावर आहे. बुमराहने 6 सामन्यात 26 विकेट घेतल्या आहेत. या बाबतीत तो इशांत शर्मा आणि एस श्रीशांतला मागे सोडू शकतो. इशांतने 15 सामन्यात 31, तर श्रीशांतने 9 सामन्यात 31 विकेट घेतल्या आहेत.
टीम इंडियाकडून गोलंदाजी करताना कुंबळेने दक्षिण आफ्रिकेविरुद्ध सर्वाधिक विकेट्स घेतल्या आहेत. त्याने 21 सामन्यात 84 बळी घेतले आहेत. जवागल श्रीनाथ दुसऱ्या क्रमांकावर आहे. त्याने 13 सामन्यात 64 विकेट घेतल्या आहेत. हरभजन सिंग तिसऱ्या क्रमांकावर असून त्याने 11 सामन्यात 60 विकेट घेतल्या आहेत. रविचंद्रन अश्विन चौथ्या क्रमांकावर आहे. अश्विनने 13 सामन्यात 56 विकेट घेतल्या आहेत.
भारतीय संघ दक्षिण आफ्रिका दौऱ्यावर आहे. त्यांनी पहिल्यांदा टी-20 मालिका खेळली. ही मालिका १-१ अशी बरोबरीत संपली. यानंतर टीम इंडियाने वनडे मालिका २-१ ने जिंकली. आता कसोटी मालिका खेळली जाणार आहे. कसोटी मालिकेसाठी भारताने प्रसिद्ध कृष्णा, मुकेश कुमार आणि शार्दुल ठाकूर यांनाही संधी दिली आहे.
