IPL 2023 पुणे : आयपीएलच्या १६व्या हंगामात IPL 2023 सोमवारी रात्री रॉयल चॅलेंजर्स बेंगळुरू आणि चेन्नई सुपर किंग्ज यांच्यात झालेली लढत गोलंदाजांसाठी वाईट स्वप्नासारखी ठरली. एम चिन्नास्वामी स्टेडियमवर झालेल्या या लढतीत चेन्नईने आरसीबीचा घरच्या मैदानावर ८ धावांनी पराभव केला. दोन्ही संघाच्या फलंदाजांनी गोलंदाजांची बेदम धुलाई केली.
चेन्नई आणि बेंगळुरू यांच्यात झालेल्या या लढतीत अनेक मोठे विक्रम झाले. आरसीबीने टॉस जिंकल्यानंतर चेन्नईला प्रथम फलंदाजी करण्याचे आमंत्रण दिले. चेन्नईने २० षटकात २२६ धावांचा डोंगर उभा केला. आरसीबीच्या फलंदाजांनी जोरदार प्रहार केला.
चौकार आणि षटकारांचा पाऊस…
या लढतीत धावांचा पाऊस पडला. दोन्ही संघातील फलंदाजांनी मिळून चौकार आणि षटकारांचा पाऊस पाडला. या सामन्यात एकूण ३३ षटकार आणि २४ चौकार मारले गेले. इतक नाही तर दोन्ही संघाच्या फलंदाजांनी मिळून या मैदानावर सर्वाधिक धावा करण्याचा विक्रम देखील केला. टी-२० क्रिकेटमध्ये चिन्नास्वामी स्टेडियमवर या सामन्यात ४४४ धावा झाल्या, जो एक विक्रम आहे.
दरम्यान, बेंगळुरूवर विजय मिळवत चेन्नईने पुन्हा एकदा आपले वचर्स्व कामय ठेवले. आयपीएलध्ये IPL 2023 चेन्नईचा आरसीबीवरील हा २०वा विजय ठरला आहे. या लीगमध्ये चेन्नईने बेंगळुरूवर सर्वाधिक विजय मिळवले आहेत. याबाबत दिल्ली कॅपिटल्स दुसऱ्या क्रमांकावर असून चेन्नईने त्यांचा १७ वेळा पराभव केला आहे.
