मुंबई : भारत आणि इंग्लंड यांच्यातील वनडे मालिकेतील शेवटचा सामना आज मँचेस्टरच्या मैदानावर खेळवला जाणार आहे. नाणेफेक जिंकून भारताने प्रथम गोलंदाजी करण्याचा निर्णय घेतला आहे. भारत आणि इंग्लंडदरम्यान सुरू असलेली तीन सामन्यांची एकदिवसीय मालिका निर्णायक टप्प्यात आली आहे.
आतापर्यंत दोन्ही संघांनी प्रत्येकी एक-एक सामना जिंकलेला असल्याने मालिका बरोबरीमध्ये आहे. आजचा सामना जिंकणारा संघ मालिकादेखील जिंकेल त्यामुळे दोन्ही संघ आज विजयासाठी जोरदार प्रयत्न करताना दिसतील.
भारताने आतापर्यंत इंग्लंडविरुद्ध 10 एकदिवसीय सामने जिंकले आहेत, परंतु इंग्लिश भूमीवर केवळ तीन मालिका जिंकल्या आहेत. आठ वर्षांपूर्वी 2014 मध्ये त्यांनी इंग्लंडमध्ये शेवटचा 3-1 असा विजय मिळवला होता.
