Hardik Pandya मुंबई: भारतीय क्रिकेट टीमचा अष्टपैलू खेळाडू हार्दिक पांड्या 2023 च्या वर्ल्ड कपमधून बाहेर पडला आहे. दुखापतीमुळे तो टीम इंडियाच्या प्लेइंग इलेव्हनमधून बाहेर होता. पांड्याच्या जागी प्रसिद्ध कृष्णाचा संघात समावेश करण्यात आला आहे. पांड्या उपांत्य फेरीतून बाहेर पडणे हा भारतासाठी मोठा धक्का आहे. तो अनुभवी खेळाडू असून त्याने अनेक मोठ्या सामन्यांमध्ये चांगली कामगिरी केली आहे. भारत आणि बांगलादेश यांच्यात पुण्यात झालेल्या सामन्यादरम्यान पांड्याला दुखापत झाली होती.
पुण्यात खेळल्या गेलेल्या सामन्यादरम्यान गोलंदाजी करताना हार्दिकला दुखापत झाली होती. त्यांच्या डाव्या घोट्याला दुखापत झाली. हार्दिक या कारणामुळे न्यूझीलंड, इंग्लंड आणि श्रीलंकेविरुद्ध खेळला नाही. त्याच्या जागी प्रसिद्ध कृष्णाला भारतीय संघात स्थान मिळाले आहे. भारतीय संघ सध्या गुणतालिकेत अव्वल स्थानावर आहे. भारताने 7 सामने खेळले आहेत आणि सर्व जिंकले आहेत. महत्त्वाची बाब म्हणजे भारतीय संघ उपांत्य फेरीत पोहोचला आहे. मात्र, उपांत्य फेरीपूर्वी पांड्याचे बाहेर पडणे त्यांच्यासाठी धक्कादायक आहे. हार्दिक हा अनुभवी खेळाडू असून त्याने आयसीसी स्पर्धांमध्ये चांगली कामगिरी केली आहे.
पांड्याला वगळल्यानंतर भारताने प्रसिद्धचा संघात समावेश केला आहे. कृष्णाला अद्याप आंतरराष्ट्रीय सामन्यांचा फारसा अनुभव नाही. मात्र, त्याने अनेकवेळा चांगली कामगिरी केली आहे. त्याने आतापर्यंत 17 एकदिवसीय सामने खेळले असून 29 विकेट घेतल्या आहेत. एकदिवसीय सामन्यात 12 धावांत 4 बळी घेणे ही त्याची सर्वोत्तम कामगिरी आहे. त्याने 2 आंतरराष्ट्रीय सामन्यात 4 बळी घेतले आहेत.
सेमीफायनलपूर्वी भारताला अजून दोन सामने खेळायचे आहेत. टीम इंडियाचा पुढचा सामना दक्षिण आफ्रिकेविरुद्ध आहे. हा सामना ५ नोव्हेंबरला कोलकात्यात खेळवला जाणार आहे. यानंतर १२ नोव्हेंबरला नेदरलँड्सविरुद्ध सामना होणार आहे.
