उंड्री ता.02: पुण्यातील उंड्री भागात हिट अँड रनची घटना घडली, ज्यात 49 वर्षीय सेवानिवृत्त लष्करी अधिकारी सुजितकुमार बसंत प्रसाद सिंग यांचा मृत्यू झाला. मंगळवारी (१ एप्रिल) सकाळी ७ वाजण्याच्या सुमारास सिंग मॉर्निंग वॉकसाठी बाहेर पडले असताना ही घटना घडली. अज्ञात वाहनाने त्यांना धडक दिली आणि उपचारापूर्वीच त्याचा मृत्यू झाला. पोलिसांनी तपास सुरू केला आणि सीसीटीव्ही फुटेजाची तपासणी करून संबंधित वाहनाची ओळख पटवली. त्यांना लाल रंगाची कार असल्याचे समजले, परंतु नंबर प्लेट स्पष्टपणे दिसत नव्हती. तांत्रिक विश्लेषणाचा वापर करून, पोलिसांना कारचा नंबर मिळवण्यात यश आले आणि ड्रायव्हर समीर गणेश कड (३२) या आरोपी पर्यंत पोहोचण्यात यश आले, त्याला सोरेतापवाडी येथील दरडे गावातून अटक करण्यात आली. सुजितकुमार हे हांडेवाडी रस्त्यावरील विद्यानिकेतन सोसायटीत राहत आहेत. ते मंगळवारी सकाळी सातच्या सुमारास मॉर्निंग वॉकसाठी घराबाहेर पडले असता, मुख्य रस्त्यावर एका अज्ञात वाहनाने त्यांना धडक दिल्याने ते रस्त्यावर कोसळले होते.
वाहनाच्या धडकेत त्यांच्या डोक्यातून आणि नाकातून रक्त येत असल्याने त्यांना तत्काळ ससून रुग्णालयात उपचारासाठी नेण्यात आले होते. दरम्यान, चौकशीत पोलीस हवालदार अतुल पंधरकर यांना समीर कड हे एका शेतातील घरात असल्याची माहिती मिळाली. त्यावरुन पोलिसांनी पहाटे सोरतापवाडी येथील दरडे गावातील शेतामधील घरातून कड याला ताब्यात घेतले. काळेपडळ पोलिसांनी केलेल्या अटकेनंतर कड यांनी दावा केला की, लोक मारतील या भीतीने तेथून पळ काढला. मात्र, पोलिसांनी त्याच्याविरुद्ध हिट अँड रनचा गुन्हा दाखल केला असून पुढील तपास सुरू आहे.
