येरवडा: येरवड्याच्या शेलार चाळी भागात हिंसाचाराची एक धक्कादायक घटना घडली, जिथे एका गटाने दोन तरुणांवर चाकूने हल्ला केला. या घटनेत दोन्ही तरुण गंभीर जखमी झाल्याचे सांगितले जात आहे. भावाच्या खुनाचा बदला घेण्यासाठी हल्लेखोरांनी पीडितांवर धारदार शस्त्रे आणि दगडाने हल्ला केला होता. पिडीतेला वाचवण्यासाठी आलेल्या दुसर्‍या तरुणाच्या डोक्यात अनिकेत काकडे या आरोपीने धारदार शस्त्राने वार करुन त्यालाही गंभीर जखमी केले आहे पोलिसांनी दिलेल्या वृत्तानुसार, अनिकेत काकडे, करण कुंभारे आणि गणेश जगताप अशी आरोपींची नावे आहेत. आरोपींनी “माझ्या भावाचा मर्डर केला आहे ना, मी तुम्हाला जिवंत ठेवणार नाही.” असे म्हणत पिडीत तरुणांना जबर मारहाण केली.
घटनेबाबत महेशा नंदु सोनवणे (वय २४, येरवडा) यांनी येरवडा पोलीस ठाण्यात दिलेल्या तक्रारी नुसार पोलिसांनी तिन्ही आरोपींना अटक केली असून या प्रकरणाचा तपास सुरु आहेत. पीडित आदित्य गंबरे आणि सुजय गिरे हे सध्या रुग्णालयात उपचार घेत आहेत.
अनिकेत काकडे हा सराईत गुन्हेगार असून त्याच्यावर अनेक गुन्हे दाखल आहेत. 2019 मध्ये आरोपी अनिकेत याचा जुळा भाऊ आदर्श काकडे याचा खून फिर्यादी राहत असलेल्या गल्लीतील मुलांनी केला होता. त्यावरुन अनिकेतची त्या गल्लीतील मुलांशी खुन्नस होती. फिर्यादीच्या चाळीतील सुजर गीर या तरुणाला मारहाण करीत असल्याची माहिती महेशा यांना मिळाली. त्यावेळी फिर्यादी महेश सोनवणे व आदित्य गंबरे हे घटना स्थळी पोहोचले. सुजयला सोडविण्यासाठी आदित्य आला परंतु अनिकेतने आदित्य याला मारहाण करण्यास सुरुवात केली. या घटनेत दोघेही तरुण गंभीर जखमी झाले. या घटनेमुळे परिसरातील नागरिकांच्या सुरक्षिततेबद्दल चिंता निर्माण झाली आहे. न्याय मिळावा आणि भविष्यात अशा घटना घडू नयेत यासाठी पोलिस आरोपींविरुद्ध कठोर कारवाई करत आहेत.
