हिंजवडी (पुणे): हिंजवडी – माण रस्त्यावरील वडजाई नगर कॉर्नर येथे आज शुक्रवारी (दि. २४) दुपारी पावणे चारच्या सुमारास भीषण अपघात झाला. रेडिमीक्सने भरलेला डंपर पलटी झाल्याने दुचाकीवरील दोन तरुणी जागीच ठार झाल्या. यामुळे परिसरात हळहळ व्यक्त होत आहे. मिळालेल्या माहितीनुसार, या तरुणी दुचाकीने निघाल्या होत्या. त्याचवेळी वडजाई नगर कॉर्नर येथे समोरून येणाऱ्या डंपर चालकाचे नियंत्रण सुटल्याने डंपर पलटी होऊन दुचाकीस्वार तरुणी त्याखाली चिरडल्या गेल्या.
यामध्ये दुचाकीवरून प्रवास करणाऱ्या सदर दोघी तरुणी जागीच ठार झाल्या. घटनास्थळी हिंजवडी पोलीस दाखल झाले आणि क्रेनच्या सहाय्याने डंपर उचलून तरुणींचे मृतदेह बाहेर काढले. अपघातात मृत्युमुखी पडलेल्या तरुणींची ओळख अद्याप पटली नसून त्या आयटी क्षेत्रातील अभियंता असल्याचा प्राथमिक अंदाज व्यक्त करण्यात येत आहे. यासंदर्भात पोलीस पुढील तपास करत आहेत.
हिंजवडीत रेडिमीक्स डंपर पलटी, दोन तरुणींचा जागीच मृत्यू; पहा अंगावर काटा आणणारा व्हिडिओ #hinjwadiaccident pic.twitter.com/QrcbVDsy12
— Yogesh Kangude (@Yogesh_Kangude) January 24, 2025
