Yavat Crime News : यवत, (पुणे): पुणे महानगरपालिकेत नोकरी लावून देतो असे सांगून बोरीपार्धी (ता. दौंड) येथील एका महिलेच्या पतीकडून तब्बल 18 लाख 34 हजार 3 रुपये उकळल्याचा प्रकार उघडकीस आला आहे. याप्रकरणी यवत पोलीस ठाण्यात पुण्याच्या दोन आरोपींविरुद्ध फसवणुकीचा गुन्हा दाखल करण्यात आला आहे. 9 मार्च 2024 ते 27 एप्रिल 2026 या कालावधीत हा फसवणुकीचा प्रकार घडला. Yavat Crime News
सुहास अशोक दोडके (रा. गोकुळनगर, स्वामी समर्थ मंदिराशेजारी, कात्रज, पुणे) व अमिर दिलावर शेख (रा. एकबोटे कॉलनी, म्हसोबा मंदिर जवळ, दर्गाचे पाठीमागे, स्वारगेट, पुणे) अशी फसवणूक करण्यात आलेल्या दोघांची नावे आहेत. याप्रकरणी फिर्यादी मनिषा साठे (वय-45, रा. बोरीपार्धी) यांनी यवत पोलीस ठाण्यात फिर्याद दिली आहे. Yavat Crime News
पोलिसांनी दिलेल्या माहितीनुसार, आरोपींनी फिर्यादी मनिषा यांना ‘तुमची महानगरपालिकेत नोकरी पक्की करतो’ असे सांगून त्यांचा विश्वास संपादन केला. या कामासाठी वेळोवेळी पैशांची मागणी करण्यात आली. फिर्यादीच्या पतीने आरोपींच्या बँक खात्यावर टप्प्याटप्प्याने एकूण 18 लाख 34 हजार 3 रुपये जमा केले. Yavat Crime News
मात्र, दोन वर्षे उलटूनही नोकरी मिळाली नाही. जेव्हा साठे कुटुंबाने पैशांची मागणी केली, तेव्हा आरोपींनी पैसे देण्यास टाळाटाळ करून त्यांचा विश्वासघात केला. आपली फसवणूक झाल्याचे लक्षात येताच मनिषा साठे यांनी यवत पोलीस ठाण्यात धाव घेतली. यवत पोलिसांनी याप्रकरणी भारतीय न्याय संहिता (BNS) कलम ३१८(४), ३१६(२) आणि ३(५) अन्वये गुन्हा दाखल केला आहे. Yavat Crime News
दरम्यान, सरकारी नोकरीच्या नावाखाली होणाऱ्या अशा मोठ्या आर्थिक फसवणुकीमुळे परिसरात खळबळ उडाली आहे. पोलीस या प्रकरणाचा अधिक तपास करत असून, यामागे मोठे रॅकेट असण्याची शक्यता वर्तवण्यात येत आहे. Yavat Crime News
