उरुळी कांचन, (पुणे) : येथील अजिंक्य चॅरिटेबल फाऊंडेशन संचलित अस्मिता ज्युनियर कॉलेजचे विद्यार्थी यश मोहन गिरी, अश्विनी मोहन गिरी यांनी “किक बॉक्सिंग” स्पर्धेत सुवर्णपदक पटकाविले तर सिध्दार्थ भोसले याने रौप्य पदक पटकाविले असल्याची माहिती महाविद्यालयाचे प्राचार्य परभणे यांनी दिली.
राजगुरूनगर (ता. खेड) येथे आयोजित करण्यात आलेल्या शालेय जिल्हास्तरीय “किक बॉक्सिंग” स्पर्धेत अस्मिता ज्युनियर कॉलेजच्या विद्यार्थ्यांनी सहभाग घेतला होता.
यामध्ये यश गिरी, अश्विनी गिरी, व सिद्धार्थ भोसले यांची अहमदनगर येथे होणाऱ्या विभागीय स्तरावर होणाऱ्या स्पर्धेसाठी निवड झाली आहे.
दरम्यान, विद्यालयांच्या खेळाडूंनी उल्लेखनीय कामगिरी करत विद्यालयाच्या नावलौकीकात भर पडली आहे. यशस्वी विद्यार्थ्यांचे महाविद्यालयाचे संस्थापक अध्यक्ष व माजी जिल्हा परिषद सदस्य महादेव कांचन, उपाध्यक्ष अजिंक्य कांचन, सर्व पदाधिकारी, विश्वस्त तसेच महाविद्यालयाचे प्राचार्य परभणे, टिकोळे सर सर्व प्राध्यापक वृंद यांनी सर्व खेळाडू व शारीरिक शिक्षण विभागातील शिक्षकांचे कौतुक केले व पुढील कारकिर्दीस शुभेच्छा दिल्या.
