कोरेगाव भीमा : वढू बुद्रुक (ता. शिरूर) येथील एम फिल्टर या मास्कचे उत्पादन करणाऱ्या कारखान्याला आग लागली आहे. या आगीमध्ये तीन कामगार गंभीर जखमी झाल्याची माहिती आहे. संपूर्ण कारखान्याला आग लागल्याने कोट्यवधी रुपयांचे नुकसान झाले आहे.
उत्पादनासाठी आवश्यक असणारा गॅसच्या टाक्या आगीच्या संपर्कात आल्याने मोठ्या प्रमाणात स्फोट होऊन परिसरात भितीचे वातावरण निर्माण झाले आहे.
आग लागल्याच्या ठिकाणी अग्निशमन दलाचे जवान दाखल होऊन त्यांनी आग आटोक्यात आणण्यासाठी शर्थीचे प्रयत्न केले. परंतु आगीची दाहकता मोठ्या प्रमाणात असल्यामुळे आग विझवण्यासाठी अत्यावश्यक असणारा पाण्याचा पुरवठा कमी पडल्याने व पंचक्रोशीत खाजगी पाणी पुरवठादरांकडे पाण्याच्या टँकरची मागणी करत पुरवठा करण्यासाठी पाचारण करण्यात आले आहे.
