पुणे : शिवाजीनगर परिसरात एक धक्कादायक प्रकार उघडकीला आला आहे. तरुणी अंघोळ केल्यानंतर बाथरूममध्ये कपडे बदलत असताना तिचे मोबाईलमध्ये चोरुन चित्रीकरण केल्याचा प्रकार समोर आला आहे. या प्रकरणी शिवाजीनगर पोलिसांनी अज्ञात आरोपीविरोधात गुन्हा दाखल केला आहे.
हा प्रकार गुरुवारी (ता. २९) सकाळी सव्वासहा ते पावणेसातच्या दरम्यान महिलेच्या घरात घडला. याबाबत २८ वर्षीय तरुणीने शिवाजीनगर पोलीस ठाण्यात फिर्याद दिली आहे. यावरुन अज्ञात आरोपीविरोधात गुन्हा दाखल केला आहे.
याबाबत पोलिसांनी दिलेल्या माहितीनुसार, पीडित तरुणी बाथरुममध्ये कपडे बदलत असताना तिला बाथरूममध्ये मोबाईल ठेवल्यासारखे वाटले. मोबाईलमध्ये कपडे बदलतानाचे चित्रिकरण करुन मोबाईल घेऊन पळून जातानाचा आवाज तरुणीला आला. आरोपीने तरुणीचा व्हिडिओ अगर फोटो काढून विनयभंग केल्याचे फिर्यादीत नमूद केले आहे.
