Shocking News : पुणे : पैशांसाठी कोण काय करेल, सांगता येत नाही. आपल्याच चार वर्षांच्या मुलीला तिच्या आईवडिलांनी चक्क भीक मागण्यासाठी २ हजार रुपयांना विकल्याचा धक्कादायक प्रकार नुकताच घडकीस आला आहे. एवढेच नव्हे तर, यासाठी समाजातील १० पंचांची त्यांनी सहमती घेतली असून, पंचांच्या सहमतीनंतर हा प्रकार घडला आहे. दरम्यान, पोलिसांनी संबंधित मुलीचा शोध घेतला असून, आई-वडिलांसह १५ जणांवर गुन्हा दाखल केला आहे. तसेच मुलीचा ताबा असलेल्या पती-पत्नीला अटक केली आहे.
येरवड्यातील धक्कादायक प्रकार
याबाबत मिळालेल्या अधिक माहितीनुसार, अॅड. शुभम शंकर लोखंडे (वय २६, रा. वैदूवाडी, हडपसर) यांनी येरवडा पोलीस ठाण्यात फिर्याद दिली आहे. (Shocking News) या फिर्यादीनुसार, पोलिसांनी मुलीच्या आई-वडिलांसह १५ जणांवर गुन्हा दाखल केला आहे.
याबाबत पोलिसांनी दिलेल्या माहितीनुसार, आई-वडिलांनी त्यांची अवघ्या ४ वर्षांची मुलगी तिघांना २ हजार रुपयांना विकल्याची माहिती पेशाने वकील असलेल्या अॅड. शुभम लोखंडे यांना मिळाली. हे कृत्य करण्यासाठी त्यांनी समाजातील १० पंचांची सहमती घेतल्याचेही त्यांना समजले. (Shocking News) त्यानंतर दोघे येरवडा येथे येऊन मुलीला २ हजार रुपयांना भीक मागण्याच्या उद्देशाने बारामती येथील सुपे येथे घेऊन गेले. तेथे तिला गुलाम बनवून, जबरदस्तीने भीक मागायला लावले.
दरम्यान, याबाबत आरोपींकडे विचारणा केली असता, आपण या मुलीला दत्तक घेतल्याचा दावा मुलीचा ताबा असलेल्या दाम्पत्याने केला आहे. (Shocking News) या घटनेचा अधिक तपास पोलीस उपनिरीक्षक नांगरे करीत आहेत.
