अमिन मुलाणी
Shirur News : सविंदणे : अंतरवाली सराटी येथे मराठा समाजाच्या आरक्षणासाठी उपोषणास बसलेले मनोज जरांगे पाटील यांना पाठिंबा देण्यासाठी सविंदणे (ता. शिरूर) येथील सकल मराठा समाजाने ‘जय भवानी, जय शिवाजी, ‘धर्मवीर संभाजी महाराजांचा विजय असो,’ अशा घोषणा दिल्या. सोमवारी (ता. ३०) सायंकाळी ६ वाजता राम मंदिर ते भैरवनाथ मंदिरापर्यंत मशाल मोर्चाचे व कॅन्डल मार्चचे आयोजन करण्यात आले होते.
गावात पुढाऱ्यांना प्रवेश बंदी…!
‘या सरकारचं करायचं काय, खाली डोकं वर पाय,’ ‘आरक्षण आमच्या हक्काचं, नाही कुणाच्या बापाचं,’ जोपर्यंत मराठा आरक्षण मिळत नाही, अथवा तसा निर्णय होत नाही, (Shirur News) तोपर्यंत कोणत्याही राजकीय नेत्याला गावात प्रवेश नाकारण्यात येणार आहे. काही अनुचित घटना घडल्यास त्याची जबाबदारी सर्वस्वी प्रशासनाची व त्या पुढार्याची राहणार आहे, असे सकल मराठा समाजाच्या वतीने सांगण्यात आले.
दरम्यान, या आंदोलनाला समाजातील सर्वच जातीतील समाजाकडून पाठिंबा दर्शविण्यात आला आहे. (Shirur News) शिरूर पोलीस व शिरूर तहसीलदारांना यासंबंधीचे निवेदन मराठा समाजातील कार्यकर्त्यांकडून देण्यात आले.
अधिक बातम्या वाचण्यासाठी येथे क्लिक करा :
Shirur News : सकल मराठा समाजाचा शिरूर शहरात भव्य कॅन्डल मोर्चा
