पुणे : पुण्यात गेल्या काही दिवसापूर्वीच स्कूलबस आणि विध्यार्थी घेऊन जाणारा रिक्षाचा अपघात झाला होता. या घटना ताज्या असतांनाच आज पुन्हा एकदा स्कूल बसचा अपघात झाला आहे. शिक्रापूर जवळ श्री वसंतराव डावखरे मेमोरियल स्कूलची बस झाडावर आदळल्याने अपघात झाला. यामध्ये बस ड्रायव्हर आणि महिला जखमी झाले आहेत. सुदैवाने बसमध्ये विद्यार्थी नसल्याने मोठा अनर्थ टळला. या अपघाताची माहिती मिळताच स्थानिक ॲम्बुलन्स आणि पोलीस प्रशासनाने घटनास्थळी धाव घेत बचाव कार्य केलं. (Pune School Bus Accident)
दरम्यान, मागील आठ दिवसापूर्वी वाघोली येथील शाळेची बस झाडावर आदळून असाच भीषण अपघात झाला होता. यामध्ये काही विद्यार्थी जखमी झाले होते, आता पुन्हा स्कूल बस झाडावर आदळून स्कूल बसला अपघात झाल्याने प्रश्न ऐरणीवर आला आहे. पुण्यात स्कूल बस अपघातांचे सत्र सुरूचं असल्याचे पालकांमध्ये भितीचे वातावरण निर्माण झाले आहे. सततच्या स्कूल बसच्या वाढत्या अपघातामुळे विद्यार्थी वाहतुकीचा प्रश्न पुन्हा एकदा ऐरणीवर आला आहे.
