Saswad : “आम्ही गावचे लोक आहोत” अशी दादागिरी करत लोखंडी वस्तूने एस.टी. चालकावर जीवघेणा हल्ला केल्याची धक्कादायक घटना भरदुपारी घडली. या घटनेत चालकाच्या डोक्यातून रक्त येईपर्यंत मारहाण करण्यात आली होती. शुक्रवारी (ता. 27) दुपारी तीन वाजण्याच्या सुमारास सासवड आगार येथे घडली. याप्रकरणी तिघांवर सासवड पोलीस ठाण्यात गुन्हा दाखल करण्यात आला आहे.
रोहन मारुती जाधव 2) तेजस जगताप 3) सत्यम जगताप (रा. तिघेही, सासवड, ता. पुरंदर) अशी मारहाण करणाऱ्या व गुन्हा दाखल करण्यात आलेल्या तिघांची नावे आहेत. याप्रकरणी एसटी चालक सचिन शामराव नाळे असे मारहाण झालेल्या चालकाचे नाव आहे. याप्रकरणी त्यांनी सासवड पोलीस ठाण्य्त फिर्याद दिली आहे.
पोलिसांनी दिलेल्या माहितीनुसार, एस.टी. चालक सचिन नाळे हे मागील 14 वर्षापासुन परिवहन महामंडळात फलटण आगार येथे कामास आहेत. शुक्रवारी (ता. 27) दुपारी तीन वाजण्याच्या सुमारास सासवड आगार या ठिकानी आले असता हडपसर बाजुकडुन एक पांढ-या रंगाची कार गाडी अचानक एस.टी. बस.चे समोर आडवी आली. त्यावेळी एस.टी. थांबविली व त्या कारला जावु दिले. त्यावेळी मी त्यांना अरे हळु चालवा असे म्हणालो व त्याकार मधील अनोळखी चालकाने हात बाहेर काढला व ते सासवड बाजुकडे निघुन गेले.
एस.टी.बस.स्टॅन्ड मध्ये गाडी फलाट ला लावली व नोंदबुक करण्यासाठी गेले होते. यावेळी त्यांच्या पाठीमागे तीन अज्ञात तरुण अचानक शिवीगाळ करत एकेरी भाषेत तुला माहीत आहे का? आम्ही इथले गाववाले आहोत वामन जगतापची मानसे आहोत. अश्लील शिव्या देत एकाने एकाने पाठिमागुन लाथ मारली व पुढील एकाने त्याचे हातातील कसलीतरी लोखंडी वस्तूने कपाळावर डाव्या भुवईवरती मारहाण करण्यास सुरुवात केली.
यावेळी चक्कर आली व कपाळातुन रक्त येवु लागले. यावेळी वाहकाने मध्यस्ती केली असता त्यांनाहि मारहाण केली. व मोबाईल फोन खाली पाडला. यावेळी त्या ठिकाणी असलेल्या काही नागरिकांनी एकाला पकडुन पोलीसांचे ताब्यात दिले. त्यानंतर वाहक मोरे यांनी सासवड सरकारी रुग्नालय येथे घेवुन गेले.
दरम्यान, याप्रकरणी वरील तिघांवर सासवड पोलीस ठाण्यात गुन्हा दाखल करण्यात आला आहे. या घटनेनंतर एस.टी. कर्मचाऱ्यांमध्ये संताप व्यक्त होत असून सार्वजनिक सेवकांच्या सुरक्षेचा प्रश्न पुन्हा ऐरणीवर आलाय. पोलिसांकडून पुढील तपास सुरू आहे.
