Raj Thackrey | पुणे : कात्रज भागात उभारलेल्या श्वान संगोपन केंद्राचे उद्घाटन महाराष्ट्र नवनिर्माण सेनेचे अध्यक्ष राज ठाकरे यांच्या हस्ते करण्यात आले. यावेळी त्यांनी केंद्राची सविस्तर माहिती घेतली.ठाकरे यांचे श्वानप्रेम सर्वांनाच माहिती आहे.
पुण्यातील माजी नगरसेवक वसंत मोरे यांची भेट घेण्यासाठीच दौरा…
या केंद्राच्या उद्धाटनाचे निमित्त असले तर पुण्यातील माजी नगरसेवक वसंत मोरे यांची भेट घेण्यासाठीच पुण्याचा दौरा ठाकरे यांनी केला. अशी चर्चा रंगली आहे. शहरात मोरे यांची चांगलीच हवा आहे. मात्र ते गेल्या काही दिवसांपासून नाराज असल्याचे दिसून येत आहे.
मोरे आणि पक्षाचे शहरातील पदाधिकारी यांच्यामधील अंतर्गत वाद चव्हाट्यावर आला होता. या पार्श्वभूमीवरच राज ठाकरे खास वसंत मोरे यांच्या भेटीसाठी पुण्यात आले असल्याच्या चर्चांना उधाण आले आहे.
ठाकरे शहरातील नदी सुधार प्रकल्पाचा आढावा घेणार असून या प्रकल्पाला मनसेचा विरोध आहे. या प्रकल्पांतर्गत सहा हजार झाडांची कत्तल होणार असल्याच्या कारणाने अनेक पर्यावरणप्रेमींनी या प्रकल्पाला विरोध केला आहे.
या प्रकल्पासंदर्भात मोरे यांनी राज ठाकरे यांना सविस्तर माहिती दिली. या प्रकल्पासंदर्भात छायाचित्रे आणि माहिती राज ठाकरे यांनी मागून घेतली आहे. त्यामुळे नदी सुधार प्रकल्प संदर्भात राज ठाकरे काय भूमिका घेणार हे लवकरच पुणेकरांना समजेल.
अधिक बातम्या वाचण्यासाठी येथे क्लिक करा…
BJP News |भाजप प्रदेशाध्यक्ष चंद्रशेखर बावनकुळे यांची आज इंदापूर येथे जाहीर सभा : दीपक काटे
