पुणे: पुणे पोलिसांनी दक्षिण कमांडच्या मिलिटरी इंटेलिजेंस युनिटच्या सहकार्याने भारतीय हवाई दलाचा जवान असल्याची बतावणी करून लोकांची फसवणूक करणाऱ्या एका व्यक्तीला अटक केली आहे. गौरव दिनेश कुमार असे या आरोपीचे नाव आहे. गौरव हा बनावट गणवेश परिधान करून फिरत असतांना पोलिसांनी त्याला रंगेहाथ पकडले. पोलिसांना संशयिताच्या कारवायांची माहिती मिळाल्यानंतर त्यांनी स्टिंग ऑपरेशनची योजना आखली. १८ मे रोजी मिलिटरी इंटेलिजेंस आणि खराडी पोलिसांच्या संयुक्त पथकाने पुण्यातील खराडी परिसरात कुमारला अटक केली. पोलिसांनी कारवाई दरम्यान आरोपीच्या घराची झडती घेतली असता, पोलिसांना हवाई दलाची बनावट ओळखपत्रे आणि गणवेश, बॅज आणि इतर साहित्य गौरवकडे सापडली. दरम्यान, पुणे पोलिसांनी याप्रकरणी पत्रकार परिषदेद्वारे माहिती दिली.

पोलिसांनी भारतीय न्याय संहिता (BNS) च्या कलम १६८ अंतर्गत कुमार यांच्याविरुद्ध गुन्हा दाखल केला आहे. पोलिस कुमार याच्या कृतीमागील उद्देशाची चौकशी करत आहेत. या घटनेमुळे सुरक्षा प्रोटोकॉलबद्दल चिंता निर्माण झाली आहे आणि भविष्यात अशा घटना टाळण्यासाठी अधिकारी काम करत आहे.







