Pune News : पुणे : शिरगाव पोलिसांनी गावठी दारू अड्ड्यावर छापा टाकत मोठी कारवाई केली. या कारवाईत पोलिसांनी सात लाखांचा मुद्देमाल नष्ट केला. मावळच्या पुसाणे गावच्या हद्दीत कंजार भट वस्ती शेजारील गावठी दारूच्या अड्ड्यावर छापा टाकून ही धडक कारवाई केली.
पुसाणे येथे शिरगाव पोलिसांची कारवाई
शिरगाव पोलिसांना पुसाणे गावच्या हद्दीत बेकायदा गावठी दारूअड्डा सुरु असल्याची माहिती मिळाली होती. या माहितीच्या आधारे त्या ठिकाणी पोलिसांनी छापा टाकला. (v) या छापेमारीच्या कारवाईत पोलिसांना घटनास्थळी बेकायदेशीरपणे हातभट्टीची गावठी दारु तयार करण्यासाठी कच्चे रसायन आणि साहित्य हे मिळून आले. याची किंमत सुमारे 7 लाख 500 रुपये असल्याचे समोर आले आहे.
पोलिसांकडून गुन्हा दाखल
शिरगाव पोलीस ठाण्याच्या पोलीस निरीक्षक वनिता धुमाळ यांच्या मार्गदर्शनाखाली ही कारवाई करण्यात आली. याप्रकरणी देव शिवम राठोड आणि एका महिलेवर (Pune News) शिरगाव पोलिसांनी गुन्हा दाखल केला असून, याप्रकरणाचा अधिक तपास शिरगाव पोलीस करत आहेत.
अधिक बातम्या वाचण्यासाठी येथे क्लिक करा :
Pune News : जप्त केलेल्या ५ कोटींच्या अंमली पदार्थांची होळी : पोलीस आयुक्त रितेश कुमार यांची माहिती
Pune News : सातारा-पुणे महामार्गावर शिरवळ येथे टेम्पो-ट्रकचा भीषण अपघात; तीन जण जागीच ठार
