येरवडा : येरवडा पोलीस ठाण्यात नोंद असलेल्या खुनाच्या प्रकारणातील आरोपीला जामिनावर सोडण्याचे आदेश पारित केले आहेत. गणेश शांताराम चौगुले असे जामिन मंजूर झालेल्या आरोपीचे नाव आहे. जिल्हा व सत्र न्यायालयाचे न्यायाधीश ए. एस. वाघमारे कोर्टाने हा आदेश दिल्याची माहिती आरोपीचे वकील ॲड. नितीन भालेराव यांनी दिली.
मिळालेल्या माहितीनुसार, 6 जानेवारी 2019 रोजी आरोपी गणेश चौगुले आणि त्याच्या साथीदारांनी संदीप उर्फ अण्णा देवकर याचा कोयते आणि बंदुकीच्या साह्याने गोळ्या मारून खून केला होता. संदीप देवकर आणि गणेश चौगुले यांच्यात ५ जानेवारीला वडापाव ची गाडी लावण्यावरून वाद झाला होता. त्या नंतर संदीप देवकर याने गणेश चौगुलेला कानशिलात लावली होती.
त्याचा बदला घेण्या साठी गणेश आणि त्याचे इतर 7 लोकांनी संदीप देवकर यास येरवडा येथील जून वार्ड कार्यालय येथे गाठून कोयते आणि बंदुकीच्या साह्याने गोळ्या घालून खून केला होता. त्या नंतर मयत संदीप देवकर याचे भावाच्या फिर्यादी वरून येरवडा पोलिसात खुनाचा गुन्हा दाखल करण्यात आला होता. पोलिसांनी तपासदरम्यान आरोपीना अटक केले. त्यानंतर आरोपीची रवानगी येरवडा कारागृहात झाली होती. आरोपी कारागृहात असताना आरोपीतर्फे
ॲड. नितीन भालेराव यांनी जिल्हा व सत्र न्यायालयात जामिनाचा अर्ज दाखल केला होता. आरोपीस अटक केल्या तारखेपासून अद्याप पर्यंत केस मधे कुठल्याही प्रकारची प्रगती झालेली नसून केस चालवण्यास सरकार पक्षाकडून विलंब होत असून लवकरात लवकर केस चालवणे हा आरोपीचा संविधानिक हक्क असून त्याच्या अधिकारांवर केस मधील विलंबामुळे गदा येत आहे असा युक्तिवाद आरोपीतर्फे न्यायालयात करण्यात आला,
दरम्यान, आरोपी पक्ष आणि सरकार पक्षाचा युक्तिवाद ऐकून पुणे येथील जिल्हा व सत्र न्यायालयाचे न्यायाधीश ए. एस. वाघमारे यांच्या कोर्टाने आरोपीचा अटी व शर्थींवर जामीन मंजूर करण्याचे आदेश दिले आहेत. या कामी ॲड. मीनाक्षी चव्हाण, ॲड. अजित शिंदे यांनी मदत केली.
