Pune News : प्रेमात आणि युद्धात सारे काही माफ असते, असे म्हटले जाते. यामुळेच अनेकदा प्रेमासाठी वाट्टेल ते करायची प्रियकर-प्रेयसीची तयारी असते. मात्र, वाट्टेल ते केल्यावर सर्व गुन्हे माफ होतातच असे नाही, याची प्रचिती नुकतीच एका प्रेयसीला आली अन् तिची रवानगी थेट पोलीस ठाण्यात झाली… या प्रेयसीने प्रेमासाठी चक्क प्रियकराचं अपहरण करुन त्याला डांबून ठेवलं. पोलिसांनी तपासाची सूत्रं हलवत महिलेसह दोन आरोपींना अटक केली आणि तरुणाची सुटका केली. प्रथमेश राजेंद्र यादव आणि अक्षय मारुती कोळी अशी अटक आरोपींची नावे आहेत.(Pune News)
सूत्रं हलवत महिलेसह दोन आरोपींना अटक केली
ही घटना पुण्यात उघडकीस आली आहे. मूळचा पुणेकर असलेला एक २८ वर्षीय तरुण गुजरातमधील वापी येथे एका खासगी कंपनीत नोकरीला होता. कंपनीत काम करताना सहकारी विवाहित तरुणीशी प्रथम त्याची ओळख झाली. या ओळखीचे रूपांतर कालांतराने प्रेमात झाले. तरुणी प्रेमात ठार वेडी झाली. एक दिवस अचानक या तरुणाच्या घरून फोन आला.(Pune News) तरुणाचं दुसऱ्या मुलीशी लग्न ठरविल्याचा निरोप घरच्यांनी दिला. यासाठी तो तरुण पुण्यात जाण्यासाठी निघाला. ही बाब प्रेयसीला कळल्यानंतर तिचा संताप झाला. तरुणाच्या अपहरणाचा कट रचत तीने दोघांना सुपारी दिली.(Pune News)
दरम्यान, आरोपींनी तरुणावर पाळत ठेवत एनडीए रोडवरील कोंढवे धावडे परिसरातून त्याचे अपहरण केले. यानंतर त्याला थेट वापी येथे एका हॉटेलमध्ये डांबून ठेवण्यात आले. तरुणाचे अपहरण झाल्याचे लक्षात येताच त्याच्या भावाने उत्तमनगर पोलीस ठाण्यात तक्रार दाखल केली. पोलिसांनी परिसरातील सीसीटीव्ही फुटेज तपासले असता अपहरणासाठी वापरलेली कार गुजरातमधील असल्याचे निष्पन्न झाले.(Pune News)
कारच्या नंबर प्लेटवरील नंबरवरून पोलिसांनी कारची सर्व माहिती गोळा करून आरोपींपर्यंत पोहचले. हॉटेलमधून तरुणाची सुटका करत महिलेला ताब्यात घेतले. अपहरण करणारे महिलेचे दोन साथीदार मूळचे सातारा जिल्ह्यातील असून, त्यांना पुसेगाव येथून अटक करण्यात आली. सहायक पोलीस निरीक्षक दादाराजे पवार यांच्या पथकाने ही कारवाई पार पाडली.(Pune News)
