Pune News : पुणे : प्रवासी भाड्याच्या कारणातून झालेल्या वादात एका खासगी प्रवासी वाहतूक करणाऱ्या चालकाचा रिक्षाचालकाने दाताने चावा घेऊन त्यांच्या कानाचा लचका तोडल्याची घटना घडली आहे. (Pune News) स्वारगेट बस स्थानकावर रिक्षा स्टॅन्ड परिसरात गुरुवारी (ता. ०१) हि घटना घडली आहे. (A rickshaw driver bite a private driver’s earlobe due to passenger fare, an incident in Pune..
स्वारगेट बसस्थानक परिसरातील घटना
संतोष चव्हाण (वय – ४१, रा. अलिबाग रायगड) असे जखमी झालेल्या व्यक्तीचे नाव आहे. याप्रकरणी रिक्षाचालकाच्या विरुद्ध स्वारगेट पोलिसांनी गुन्हा दाखल केला असून, त्याचा शोध घेण्यात येतो आहे. (Pune News) याबाबत चव्हाण यांनी स्वारगेट पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी संतोष चव्हाण हे खासगी वाहनांवर चालक म्हणून काम करतात. ते त्यांच्या मुळगावी अलिबाग येथे जाण्यासाठी स्वारगेट बसस्थानक परिसरात आले होते. त्यावेळी एका रिक्षाचलाकासोबत त्यांचा भाड्याच्या कारणातून वाद झाला.(Pune News) त्यावेळी तेथील काही रिक्षाचालकांनी त्यांना लाथाबुक्यांनी बेदम मारहाण केली.
दरम्यान, वाद झालेल्या रिक्षाचालकाने त्यांच्या कानाच्या वरच्या भागाचा चावा घेऊन लचका तोडला. (Pune News) चव्हाण यांनी दवाखान्यात उपचार घेतल्यानंतर स्वारगेट पोलिस ठाण्यात धाव घेत तक्रार दाखल केली. त्यानुसार पोलिसांनी गुन्हा दाखल करून फरार रिक्षाचलाकाचा शोध सुरू केला आहे. पुढील तपास सहायक पोलिस निरीक्षक कारके करीत आहेत.
अधिक बातम्या वाचण्यासाठी येथे क्लिक करा :
Pune News : शाळेच्या पहिल्या दिवशी प्रत्येक विद्यार्थ्याला पुस्तक देण्यात येणार
Pune News : मेफेनटर्माइनची अवैध विक्री; दुकानांवर एफडीए आणि पोलिसांची धडक कारवाई
