Uruli Kanchan: स्मॅश क्रिकेट क्लबतर्फे आयोजित शाहु फुले आंबेडकर चषक 2025 स्पर्धेचा रोमांचक समारोप झाला. अंतिम सामन्यात गणराज फायटर्स संघाने अखेरच्या क्षणापर्यंत चुरशीच्या झालेल्या लढतीत विजय मिळवत चषकावर नाव कोरले. विकास दादा दौंडकर वॉरीअर उपविजेते, जितू भैय्या बडेकर फायटर्स तृतीय तर जय भवानी वॉरीअर चतुर्थ क्रमांकावर राहिले. (Pune Latest News)
प्रथम फलंदाजी करताना विकास दादा दौंडकर फायटर्सने 8 षटकांत 84 धावांचे आव्हान उभे केले. प्रविण गायकवाड यांनी दमदार सुरुवात केली तर अमोल थोरात यांनी 29 चेंडूत 56 धावा करून डावाला आकार दिला. प्रविण बाद झाल्यानंतर प्रज्वल कड यांच्या टेप बॉलवरील अचूक आणि तुफानी गोलंदाजीने सामना रंगतदार बनवला, परंतु अमोल थोरातने शेवटपर्यंत संघर्ष केला.
दुसऱ्या इनिंगमध्ये सचिन जगताप यांनी प्रारंभीचे दोन चौकार मारत संघाला चांगली सुरुवात करून दिली. पृथ्वीराज कांबळे यांच्या गोलंदाजीवर सचिन कांचन बाद झाला व सुनिल दिक्षित यांनी घेतलेला डायव्हिंग कॅच हा सामन्याचा टर्निंग पॉइंट ठरला. विकास दादा दौंडकर वॉरीअर संघाकडून क्षेत्ररक्षणात सलग चुका झाल्याने सामना त्यांच्या हातून हळूहळू निसटत गेला. एका धावेवर दोन धावा देण्याचे प्रकार वारंवार घडले.
शेवटच्या षटकात 6 चेंडू 5 धावा अशा समीकरणात सामना आला. निखिल कोतवाल यांनी शांत डोक्याने खेळ करत 19 चेंडूत 41 धावा काढत निर्णायक चौकार ठोकत शाहु फुले आंबेडकर चषक 2025 चा मानकरी गणराज फायटर्स संघमालक डॉ. समीर ननावरे हे विजयी झाले.
दरम्यान, स्पर्धेतील सर्व संघ, खेळाडू, संघमालक, मेंटॉर तसेच प्रेक्षकांचे स्मॅश क्रिकेट क्लबतर्फे मनःपूर्वक आभार मानण्यात आले. खेळादरम्यान ग्राउंडवरील अडथळे किंवा नैसर्गिक कारणांमुळे (पाऊस) काही गैरसोय झाली असल्यास आयोजकांनी क्षमस्वही व्यक्त केले. सर्व खेळाडू, संघमालक, मेंटॉर, प्रेक्षक वर्ग आणि क्रिकेट चाहते या सर्वांचे स्मॅश क्रिकेट क्लब कडून आभार व्यक्त करण्यात आले.
शाहु फुले आंबेडकर चषक 2025
प्रथम क्र : गणराज फायटर्स
द्वितीय क्र : विकास दादा दौंडकर वॉरीअर
तृतिय क्र : जितु भैय्या बडेकर फायटर्स
चतुर्थ क्र : जय भवानी वॉरीअर
मॅन ऑफ द सिरीज : अली अन्सारी
उत्कृष्ठ फलंदाज : प्रविण गायकवाड
उत्कृष्ठ गोलंदाज : बबलू साळुंखे
उत्कृष्ठ क्षेत्ररक्षक : निखिल कोतवाल
उत्कृष्ठ टेप बॉल गोलंदाज : प्रज्वल कड
