दौंड, (पुणे) : दौंड शहरातील पोस्ट ऑफिससमोर एका महिलेला आणि तिच्या नणंदेला अडवून मारहाण केल्याची घटना नुकतीच उघडकीस आली आहे. रविवारी (ता. 11) रात्री साडेनऊ वाजण्याच्या सुमारास ही घटना घडली. यावेळी संबंधित महिलेची छेडछाड करून तिच्या अंगावरील गाऊन फाडल्याचाही आरोप करण्यात आला आहे. याप्रकरणी दौंड पोलिस ठाण्यात पाच जणांविरुद्ध गुन्हा दाखल करण्यात आला आहे.
संदीप राजु पाळेकर, अविनाश राजु पाळेकर, राजु बापु पाळेकर, कमिला राजु पालेकर व आर्या बाजु कोकाटे (सर्व रा. पोस्ट ऑफिस समोर दौंड, ता. दौंड जि. पुणे) अशी गुन्हा दाखल करण्यात आलेल्या पाच जनाची नावे आहेत. याबाबत पायल शंकर पाळेकर (वय 24, रा. सिद्धार्थनगर, दौंड) यांनी दौंड पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी पाळेकर या पोलिस ठाण्याकडे जात असताना संदीप पाळेकर, अविनाश पाळेकर, राजू पाळेकर, कमिला पाळेकर आणि आर्या कोकाटे यांनी त्यांना व त्यांच्या नणंदेला अडवले. त्यानंतर हाताने, लाकडी दांडक्याने आणि स्टीलच्या पाइपने मारहाण करून शिवीगाळ व दमदाटी केल्याचे तक्रारीत म्हटले आहे.
दरम्यान, दोघांपैकी काही आरोपींनी महिलेची लज्जा उत्पन्न होईल असे कृत्य करून गाऊन फाडल्याचा आरोपही करण्यात आला आहे. या प्रकरणी भारतीय न्याय संहितेच्या विविध कलमांनुसार गुन्हा दाखल करण्यात आला असून, पुढील तपास पोलिस शिपाई लवटे करीत आहेत.
