राहुलकुमार अवचट
यवत : दौंड तालुक्यातील पश्चिम भागात असलेल्या बोरीऐंदी – ताम्हणवाडी रस्त्यावर दोन दुचाकींची समोरासमोर धडक झाल्याने एक जण जागीच ठार तर एक जण जखमी झाला.
याबाबत माहिती अशी की, बोरीऐंदी – ताम्हणवाडी रस्त्यावर गुरुवारी (दि.२३) सकाळी सहाच्या सुमारास बोरीऐंदी गावाच्या हद्दीतील भोसेकरवस्ती येथे बोरीऐंदी ते ताम्हणवाडी रस्त्यावर ताम्हणवाडीकडून बोरीऐंदीच्या दिशेने येणाऱ्या होंडा डीयो (क्र. एम. एच. १२ पी.व्ही ३८४१) व बोरीऐंदीकडून ताम्हणवाडीकडे जाणाऱ्या हिरो कंपनीची स्प्लेंडर (एम.एच.४२ बी.जी ७९१९) या दोन दुचाकींची समोरासमोर जोरदार धडक झाल्याने स्प्लेंडरवर असलेले दत्तात्रय रामदास भोसेकर (वय ५० रा. ताम्हणवाडी ता. दौंड जि.पुणे ) यांचा जागीच मृत्यू झाला. दुसरा दुचाकीस्वार दीपक बाळासाहेब कामाने जखमी झाला. त्याच्यावर रुग्णालयात उपचार सुरू असून, याबाबत जयेश निवृत्ती भोसेकर यांनी यवत पोलीस स्टेशन येथे फिर्याद दिली.
या फिर्यादीवरून दीपक बाळासाहेब ताम्हाणे (रा. ताम्हणवाडी ता. दौंड जि. पुणे) याच्या विरोधात यवत पोलीस स्टेशन येथे गुन्हा दाखल करण्यात आला असून, पुढील तपास यवत पोलीस स्टेशनचे पोलीस निरीक्षक हेमंत शेडगे यांच्या मार्गदर्शनाखाली पोलीस नाईक अजित इंगवले हे करत आहेत.
