राहुलकुमार अवचट
Politics News : यवत , (पुणे) : बोरीऐंदी (ता. दौंड) येथील ग्रामपंचायतचे सरपंच जीवन पवार यांनी ठरल्याप्रमाणे वर्षभर कार्यकाळ पूर्ण झाल्याने सरपंच पदाचा राजीनामा दिल्याने रिक्त झालेल्या सरपंचपदी सविता मंगेश भोसेकर बिनविरोध निवडून आल्या आहेत. सरपंचपदी सविता मंगेश भोसेकर यांची बिनविरोध निवड झाल्याचे निवडणूक निर्णय अधीकारी तथा यवत मंडल महसूल अधिकारी बी. एच. येडे यांनी जाहीर केले. (Politics News)
यावेळी ग्रामसेवक जाधव, गावकामगार तलाठी अभिमन्यू जाधव यांनी निवडणूक प्रक्रियेस सहकार्य केले आहे. निवडणूक प्रक्रिया शांततेत पार पाडल्याबद्दल सर्व सदस्यांनी सहकार्य केल्याबद्दल ग्रामसेवक जाधव यानीं सर्वांचे आभार मानले. नवनिर्वाचित सरपंच सविता भोसेकर यांचा सदस्य भानुदास कुदळे यांचे हस्ते सत्कार करण्यात आला. सविता भोसेकर यांचे महिला बचत गटात ही काम आहे.
दरम्यान, सरपंचपदी निवड झाल्यानंतर सर्व सदस्यांना बरोबर घेऊन गावाच्या विकाससाठी सर्वांगीण प्रयत्न करणार असल्याचे नवनिर्वाचित सरपंच सविता भोसेकर यांनी सांगितले. (Politics News)
