राजेंद्रकुमार शेळके
जुन्नर : महागाव (ता. गडहिंग्लज, जि. कोल्हापूर) येथील जेष्ठ साहित्यिक प्रा. रसूल सोलापूरे बहुद्देशीय संस्थेच्या वतीने देण्यात येणारे साहित्यिक पुरस्कार नुकतेच जाहीर झाले. कवयित्री सरिता म्हेत्रे-कलढोणे यांच्या ‘शब्दांच्या गाभाऱ्यात’ या काव्यसंग्रहाला उत्तेजनार्थ पुरस्कार मिळाला. हा त्यांचा पहिलाच काव्यसंग्रह आहे.
सरिता म्हेत्रे-कलढोणे यांची साहित्य क्षेत्रात एक उत्तम कवयित्री, लेखिका, गझलकार म्हणून ख्याती आहे. महाराष्ट्रातील विविध साहित्यिक समूहातून, दैनिकातून, मासिकातून सातत्याने त्या लेखन करत असतात. आतापर्यंत विविध साहित्यिक स्पर्धांतून त्यांनी यश संपादन केले आहे. एक विद्यार्थीप्रिय शिक्षिका म्हणून त्या प्रसिद्ध आहेत.
आगामी काळात कथा संग्रह, गझल संग्रह प्रसिद्ध करण्याचा त्यांचा मानस आहे. सरिता म्हेत्रे-कलढोणे यांचे सर्व स्तरांतून कौतुक होत आहे.
