यवत: चारचाकीने कट मारून मागितली माफी , दुसऱ्यादिवशी जिवेमारण्याची (Pune Crime)धमकी देत पानटपरीची तोडफोड केल्याची चित्रपटातील कथेसारखी धक्कादायक घटना यवत पोलिस स्टेशन हद्दीतील कासुर्डी घडली आहे.
याबाबत अधिक माहिती अशी की मंगळवार दि.१० रोजी रात्री ११.३० च्या सुमारास रमेश जाधव हे डबा घेवुन कासुर्डी फाटा येथे पायी चालत जात असताना सनी बोडके याने आपल्या ताब्यातील एम एच 12 एक्स क्यू 3297 रमेश जाधव यांना कट मारला व शिविगाळ करत असताना रमेश जाधव यांचे २ मुले त्याठिकाणी आले असता कार मधील सनी बोडके याने रमेश जाधव यांची माफी मागुन निघुन गेला.
त्यानंतर बुधवार दि. ११ रोजी सायंकाळी ०६.३० वाजण्याच्या सुमारास रमेश जाधव यांचा मुलगा फिर्यादी मारुती जाधव हा पानटपरीत असताना सनी बोडके हा मित्रासह त्याठिकाणी आला व टपरीवर दगडफेक करत अप्रतिम साहित्य, खुर्च्यांची तोडफोड करत सुमारे २० हजारांचे नुकसान केले तसेच फिर्यादी मारुती जाधव यास शिवीगाळ करत लोखंडी रॉडने मारहाण केली व जिवे मारण्याची धमकी देऊन निघून गेले.
याबाबत मारुती जाधव यांनी यवत पोलीस स्टेशन येथे फिर्याद दिली असून सनी बोडके ( रा . थेऊर , ता. हवेली ) व सनी बोडके याचा मित्र या दोघांच्या विरोधात गुन्हा दाखल करण्यात आला असून याबाबत पुढील तपास पोलिस हवालदार मुटेकर हे करत आहेत. भरदिवसा पुणे सोलापूर राष्ट्रीय महामार्गावर हा प्रकार घडला असल्याने कासुर्डी परिसरात भीतीचे वातावरण निर्माण झाले आहे .
