लोणी काळभोर, (पुणे) : थेऊरफाटा-थेऊर रोडवरील उड्डाणपुलाला काही दिवसांपूर्वी पडलेल्या मोठ्या खड्ड्याची गंभीर दखल घेत, शिरूर-हवेलीचे आमदार ज्ञानेश्वर कटके यांनी स्वतः घटनास्थळी भेट देऊन दुरुस्तीच्या कामाची प्रत्यक्ष पाहणी केली. सार्वजनिक बांधकाम विभागामार्फत सध्या सुरू असलेल्या पुलाच्या संरक्षणात्मक कामाचा आढावा घेत आमदारांनी प्रशासनाला कामात गती आणि उच्च दर्जा राखण्याच्या सूचना दिल्या.
यावेळी हवेली पंचायत समितीचे सभापती युवराज काकडे, राष्ट्रवादीचे तालुकाध्यक्ष दिलीप वाल्हेकर यांच्यासह पदाधिकारी व ग्रामस्थ मोठ्या संख्येने उपस्थित होते. स्थानिक नागरिकांनी उड्डाणपूल दुरुस्तीचे काम लवकरात लवकर पूर्ण करून, सुरक्षित वाहतूक सुरू करण्याची मागणी केली. यावर आमदार ज्ञानेश्वर कटके यांनी नागरिकांच्या अडचणी लक्षात घेऊन कामात कोणताही हलगर्जीपणा होणार नाही, तसेच काम वेळेत पूर्ण करण्यासाठी प्रशासनाला आवश्यक सूचना दिल्याचे सांगितले.
स्थानिक नागरिकांनी उड्डाणपूल दुरुस्तीचे काम लवकरात लवकर पूर्ण करून, सुरक्षित वाहतूक सुरू करण्याची मागणी केली. यावर आमदार ज्ञानेश्वर कटके यांनी नागरिकांच्या अडचणी लक्षात घेऊन कामात कोणताही हलगर्जीपणा होणार नाही, तसेच काम वेळेत पूर्ण करण्यासाठी प्रशासनाला आवश्यक सूचना दिल्याचे सांगितले.
दरम्यान, सध्याचे पुलाचे सुरू असलेले काम, हे पुलाला गेलेल्या तड्यांना आधार देण्यासाठीचे भिंतीचे काम सुरू आहे. पाऊस हंगाम संपल्यावर दुसऱ्या टप्प्यातील मुख्य पुलाचे काम, तीन ते चार महिन्यानंतर सुरू होईल. यामध्ये पुलाचा थेऊरकडील बाजूचा तडा गेलेला भाग काढून, नव्याने केला जाणार आहे. त्यावेळी काही काळ हा पूल वाहतुकीसाठी बंद राहणार असल्याचे सभापती युवराज काकडे यांनी सांगितले
