थेऊर, ता. 02 : कुंजीरवाडी येथील थेऊरफाटा ते आंबेकरमळा-चौरेवस्ती (Kunjirwadi News) दरम्यान अनेक वर्षांपासून प्रलंबित असलेला ड्रेनेज लाईनचा प्रश्न अखेर मार्गी लागला आहे. आमदार ज्ञानेश्वर उर्फ माऊली कटके यांच्या मार्गदर्शनाखाली या कामासाठी 10 लाख रुपयांचा निधी उपलब्ध झाला असून, कामास मंगळवारी (ता. 03) सुरुवात होणार आहे.
याचबरोबर धुमाळमळा परिसरातील अंतर्गत रस्त्याच्या काँक्रिटीकरणासाठीही 10 लाख रुपयांचा निधी मंजूर करण्यात आला आहे. दोन्ही विकासकामांचे भूमिपूजन उत्साहात पार पडले. दीर्घकाळ प्रलंबित असलेल्या या प्रश्नांवर तोडगा निघाल्याने स्थानिक नागरिकांनी समाधान व्यक्त केले आहे.
जिल्हा परिषद व पंचायत समिती निवडणुकीदरम्यान हवेली पंचायत समितीचे नवनिर्वाचित सदस्य युवराज हिरामण काकडे यांनी जिल्हा परिषद व पंचायत समिती या दोन्ही जागा निवडून आल्यानंतर एका महिन्याच्या आत संबंधित कामे सुरू करण्याचे आश्वासन दिले होते. त्यानुसार अवघ्या महिन्याभरात कामांना प्रत्यक्ष सुरुवात होत असल्याने ग्रामस्थांमध्ये सकारात्मक वातावरण निर्माण झाले आहे.
या कार्यक्रमास जिल्हा परिषद सदस्या कोमल संदेश आव्हाळे, पंचायत समिती सदस्य युवराज काकडे, माजी सरपंच संतोष कुंजीर, सचिन तुपे, माजी उपसरपंच सुरेश कुंजीर, चंद्रकांत मेमाणे, दत्तात्रय कुंजीर, विकास निगडे, गोकुळ ताम्हाणे, शिवाजी कुंजीर, भरत निगडे, नयन तुपे, योगेश गायकवाड, दिपक ताम्हाणे, कैलास तुपे, पोलीस पाटिल मिलिंद कुंजीर, तंटामुक्ती अध्यक्ष बापूसो घुले, संभाजी गायकवाड, मुकेश गायकवाड, प्रकाश धुमाळ, नंदकुमार धुमाळ, दिलीप आंबेकर, विश्वनाथ गाढवे, सुभाष कुंजीर, रामदास कुंजीर, दादासो काकडे, संतोष शिंदे, अविनाश धुमाळ, स्वप्नील काळभोर, सोमनाथ धुमाळ, विकास धुमाळ, निर्मलाताई धुमाळ, गोरख तुपे, नवनाथ आंबेकर, विशाल धुमाळ, अमोल धुमाळ, सतीश कुंजीर, गौरव कुंजीर, अमर कुंजीर, संदीपआबा धुमाळ, बाबा धुमाळ, माऊली सावंत यांच्यासह विविध मान्यवर, पदाधिकारी आणि ग्रामस्थ मोठ्या संख्येने उपस्थित होते.
यावेळी बोलताना संदेश आव्हाळे व युवराज काकडे म्हणाले, “कुंजीरवाडी तसेच संपूर्ण जिल्हा परिषद गटातील गावांच्या सर्वांगीण विकासासाठी कटिबद्ध असल्याचे सांगितले. पाणी, रस्ते, ड्रेनेज आदी मूलभूत सुविधांबाबत कोणतीही तडजोड केली जाणार नसून, टप्प्याटप्प्याने सर्व प्रलंबित कामे पूर्ण केली जातील, असे त्यांनी स्पष्ट केले. दीर्घ प्रतीक्षेनंतर ड्रेनेज व रस्त्यांच्या कामांना सुरुवात होत असल्याने कुंजीरवाडीतील नागरिकांमध्ये समाधानाचे वातावरण आहे.
