दीपक खिलारे
Indapur इंदापूर : इंदापूर शहरातील महतीनगर येथील दिंडोरी प्रणित श्री स्वामी समर्थ अध्यात्मिक व बालसंस्कार केंद्रात श्री स्वामी समर्थ यांच्या पुण्यतिथी निमित्त सामूहिक श्री गुरुचरित्र वाचन अखंड नाम जप यज्ञ याग सोहळ्याचे आयोजन करण्यात आले होते. या सोहळ्यात १४९ हून अधिक महिला व पुरुष सेवेकरी यांनी सामूहिक पद्धतीने वाचन केले.
या आयोजित सप्ताह सोहळ्यात विविध याग तसेच सात दिवस अखंड श्री नाम समर्थ जप नामस्मरण, अखंड श्री स्वामी चरित्र सारामृत वाचन, वीणा वादन सेवा आदी धार्मिक कार्यक्रमाचे आयोजन करण्यात आले होते.
या सप्ताहात मंडल स्थापना अग्नीस्थापना स्थापित देवता हवन नित्य स्वाहाकार गणेशयाग मनोबोध याग चंडीयाग स्वामी याग गीताई याग रुद्रयाग मल्हारीयाग वली पूर्णाहुती सत्यदत्त पूजन अखंड हरिनाम जप यज्ञ याचे आयोजन करण्यात आले होते.
सप्ताह सोहळ्याची सांगता महाप्रसादाने करण्यात आली. आयोजित सप्ताह सोहळा यशस्वी पार पाडण्यासाठी केंद्र प्रतिनिधी प्रदीप भगत, पंचकमिटी, दरबार प्रतिनिधी, विभाग प्रतिनिधी, कार्यरत प्रतिनिधी आदींनी परिश्रम घेतले.
