राहुलकुमार अवचट
यवत: जिल्ह्याचे मंत्रालय म्हणून (Daund ZP Election Result) ओळखले जाणाऱ्या पुणे जिल्हा परिषदेच्या दौंड तालुक्यातील ७ जागांसाठी दि. ७ रोजी मोठ्या उत्साहात मतदान पार पडले होते यावेळी अनेकांनी विजय आमचाच होणार असे सांगितले होते परंतु लोकशाहीत मतदारांनी आपली ताकद दाखवत दौंड तालुक्यातील समिश्र प्रतिसाद देत दौंड तालुक्यातील असलेल्या पुणे जिल्हा परिषदेच्या ७ जागांपैकी पैकी माजी आमदार रमेश थोरात (Daund News) यांच्या नेतृत्वाखाली असलेल्या ६ जागांवर राष्ट्रवादी काँग्रेसच्या उमेदवारांना विजयी केले तर आमदार राहुल कुल यांच्या नेतृत्वाखाली असलेल्या भाजपाला केवळ एका जागेवर विजयी करत जिल्हा परिषदेसाठी राष्ट्रवादी काँग्रेसला पसंती दिली.
दौंड तालुक्यातील राहू – खामगाव , वरवंड – पारगाव, कानगाव – गोपाळवाडी, देऊळगाव राजे – खडकी, कुरकुंभ – पाटस, बोरीपार्धी – केडगाव या ६ गटात राष्ट्रवादी काँग्रेसचे उमेदवार विजयी झाले असून केवळ यवत – बोरीभडक या एकमेव गटात भाजपाचे उमेदवार विजयी झाले आहेत.
यापूर्वी झालेल्या जिल्हा परिषद निवडणुकीत राष्ट्रवादी काँग्रेसचा ५ जागेवर विजय झाला होता तर भाजपाला केवळ राहू गटातील जागा आपल्याकडे ठेवण्यात यश मिळाले होते यावेळी मात्र आमदार राहुल कुल यांना आपल्या गटातील जिल्हा परिषदेची जागा आपल्याकडे ठेवण्यात अपयश आले याठिकाणी राष्ट्रवादी काँग्रेसचे सागर शेलार विजयी झाले तर गेल्या वेळी राष्ट्रवादी काँग्रेसकडे असलेली यवत गटातील एकमेव जागा भाजपाला आपल्याकडे खेचून आणली असून याठिकाणी भाजपाचे अविनाश कुदळे विजयी झाले आहेत.
माजी आमदार रमेश थोरात यांच्यासाठी केडगाव गटातील चिरंजीव तुषार थोरात यांना निवडून आणण्यासाठी प्रतिष्ठा पणाला लावली होती सुरुवातील पिछाडीवर असलेले तुषार थोरात अंतिम फेरीत मोठ्या फरकाने विजयी झाले तर खडकी गटात राष्ट्रवादी काँग्रेसचे विरधवल जगदाळे यांनी सुरवातीला घेतलेली आघाडी कायम ठेवत ऐनवेळी राष्ट्रवादी काँग्रेस मधून भाजपामध्ये आलेल्या आप्पासाहेब पवार यांच्या दणदणीत पराभव केला.
पारगाव – वरवंड गटात राष्ट्रवादी काँग्रेस पार्टीच्या गायत्री विशाल खळदकर या विजयी झाल्या असून गोपाळवाडी गटातून साहेबराव पोळ विजयी झाले आहेत तर पाटस गटातून अनुराधा शितोळे या विजयी झाले आहेत यवत गटात भाजपाचे उमेदवार विजयी झाल्याने मतमोजणी केंद्रावर राष्ट्रवादी काँग्रेसच्या वतीने याबाबत आक्षेप घेतल्याने निर्णय येण्यास उशीर झाला.
गटनिहाय उमेदवार व मिळालेली मते
राहू – खामगाव
सागर रघुनाथ शेलार – 13272
अनिल (बापू) माधवराव सोनवणे – 12504
मिलिंद रमेश म्हेत्रे – 361
अशोक बापू फडतरे – 301
अतुल पोपटराव टेळे – 88
वरील पैकी एकही नाही – 126
पारगाव – वरवंड
गायत्री विशाल खळदकर – 15176
सारिका संजय दिवेकर – 11471
मानसी नामदेव ताकवणे – 1816
योगिनी विजयकुमार दिवेकर – 580
वरील पैकी एकही नाही – 192
कानगाव – गोपाळवाडी
साहेबराव राजाराम पोळ- 10681
तेजस राजेंद्र कांबळे – 10325
अभिषेक रमेश खंडाळे – 600
अक्षय बालीसाब शिखरे – 216
विकास साहेबराव कदम – 464
भारत विठ्ठल सरोदे – 76
वरील पैकी एकही नाही – 203
देऊळगाव राजे – खडकी
विरधवल कृष्णराव जगदाळे- 15087
आप्पासाहेब नानासाहेब पवार – 10931
अमरसिंग तुफानसिंग परदेशी – 1989
वरील पैकी एकही नाही – 176
कुरकुंभ – पाटस
अनुराधा सत्वशील शितोळे- 13430
वैशाली साहेबराव वाबळे- 11496
प्रियांका सचिन आटोळे – 577
सारीका अविनाश मोहिते – 169
वरील पैकी एकही नाही – 247
बोरीपार्धी – केडगाव
तुषार उर्फ गणेश रमेश थोरात – 14777
अभिषेक आनंद थोरात- 11494
अभिषेक थोरात- 243
समीर पोपटराव भोईटे- 515
किसन बबन हंडाळ – 62
अजित दिलीप शितोळे – 274
वरील पैकी एकही नाही – 112
यवत – बोरीभडक
अविनाश रमेश कुदळे – 12705
अमित विष्णु कुदळे – 12440
सारिका भरत भुजबळ- 246
शुभम नागेश माळवे – 199
गणेश शंकर आखाडे – 1599
रामदास अशोक दोरगे- 204
वरील पैकी एकही नाही – 193
