Daund Politics : दौंड: दौंड नगरपरिषद निवडणुकीच्या प्रचारा दरम्यान वातावरण चांगलेच तापले आहे. प्रभाग कंम्राक 7 मधील भाजप पुरस्कृत नागरिक हित संरक्षण विकास आघाडीच्या नगराध्यक्ष पदाच्या उमेदवारासह पॅनेलमधील दोन उमेदवारांचा रमापती नगर येथे लावलेला बॅनर रात्रीच्या दरम्यान अज्ञातांनी फाडला. या घटनेनंतर नेत्यामध्ये एकच खळबळ उडाली.
हेही वाचा- जावयाकडून सासूवर जीवघेणा हल्ला! शिवीगाळ करत केलं भयानक कृत्य…परिसरात मोठी खळबळ
या बॅनरवर केंद्रीय मंत्री रामदास आठवले, जोगेंद्र कवाडे, दौंडचे आमदार राहुल कुल, तसेच प्रेमसुख कटारिया यांच्यासह नगराध्यक्ष पदाच्या उमेदवार मोनाली प्रमोद वीर, आणि नगरसेवक पदाचे उमेदवार कार्तिकी अनिल सोनवणे व एजाज बादशाह शेख यांचे फोटो व चिन्हे होती.
दरम्यान, फाडलेल्या बॅनरवरील चिन्हांवर राष्ट्रवादी काँग्रेसच्या उमेदवारांची स्टिकर्सही चिटकवण्यात आली असल्याचे समोर आले आहे. त्यामुळे ही कृती विरोधी पक्षांनेच केली असावी असा अंदाज दौंडच्या भाजप पक्षांनी वर्तवली आहे.
