संदिप टूले
दौंड: जिल्हा परिषद (Daund News) निवडणुकीच्या तोंडावर अनेक (Daund Zilla Parishad Election) राजकीय घडामोड घडायला सुरूवात झाली आहे.दौंड तालुक्यात राष्ट्रवादी काँग्रेस शरद पवार (Sharad Pawar) गटाला मोठी धक्का बसला असून राष्ट्रवादी काँग्रेस पक्ष (श. पा गटाचे) तालुकाध्यक्ष आप्पासाहेब पवार (Appasaheb Pawar) भाजप पक्षातून खडकी देऊळगाव गटातून आपला उमेदवारी अर्ज दाखल करत सर्वांनाच धक्का दिला होता तर आज दिनांक २२ रोजी त्यांनी भाजपा मध्ये जाहीर प्रवेश केला आहे. (Latest Marathi News)
या प्रवेशाने दौंड च्या पूर्व भागात राष्ट्रवादी काँग्रेस पक्षाला मोठे खिंडार पडले असून आमदार राहुल कुल यांनी राजकीय खेळी करत मोठा नेता गळला लावला आहे. गेली कित्येक वर्ष आप्पासाहेब पवार यांनी तालुकाध्यक्ष म्हणून राष्ट्रवादी काँग्रेस मध्ये काम केले असून राष्ट्रवादी काँग्रेस फुटीनंतर त्यांनी शरद पवार गटामध्ये राहून लोकसभेवेळी खासदार सुप्रिया सुळे यांचा दौंड मध्ये एकहाती किल्ला लढवत दौंड चे दोन्ही आजी माजी आमदार विरोधी गटात असतानाही मोठे मताधिक्य मिळवून दिले होते. तसेच राष्ट्रवादी काँग्रेस मध्ये त्यांनी त्यांना मानणारा मोठा वर्ग निर्माण केला आहे.
या घडामोडीमुळे शरद पवार आणि सुप्रिया सुळे यांच्या नेतृत्वाखालील गटात अस्वस्थता वाढण्याची शक्यता आहे. दौंड तालुक्यातील अनेक कार्यकर्ते आणि पदाधिकाऱ्यांमध्ये संभ्रमाचे वातावरण निर्माण झाले असून, काही जण भाजपकडे झुकण्याची शक्यता वर्तवली जात आहे. दुसरीकडे भाजप कार्यकर्त्यांमध्ये मात्र उत्साहाचे वातावरण आहे. आप्पासाहेब पवार यांच्या भाजप प्रवेशामुळे आगामी निवडणुकांमध्ये याचा थेट परिणाम होण्याची शक्यता आहे
आमदार राहुल कुल यांनी खडकी–देऊळगाव राजे गटातून आप्पासाहेब पवार यांना ऐनवेळी उमेदवारी देत मोठा डाव टाकला. भाजपच्या या निर्णयामुळे स्थानिक राजकारणात समीकरणे झपाट्याने बदलली आहे.
दौंड, दौंड जिल्हा परिषद निवडणूक, शरद पवार, आप्पासाहेब पवार, सुप्रिया सुळे,
Pune News, Punytil news, punyatil batmya, pune crime, pune today, पुणे बातम्या, पुण्यातील ठळक बातम्या, आजच्या ठळक बातम्या, pune viral News, crime news, pune prime news, पुणे प्राईम न्यूज, pune latest news, pune marathi news, pune marathi batmya, Punyatil news
