गणेश सुळ केडगाव
Daund News : दौंड तालुक्यातील केडगाव चौफुला रस्त्यावर कारचालकाचा ताबा सुटल्याने रविवारी ( ता.२१ )दुपारी तीनच्या सुमारास एका शालेय विद्यार्थ्याला जीव गमवावा लागला. या अपघातात केडगाव येथील सार्थक बारवकर या युवकाचा जागीस मृत्यू झाला. तर त्याचा मित्र सार्थक कडू हा गंभीर जखमी झाला असून एका खाजगी रुग्णालयात त्याच्यावरती उपचार सुरू आहेत. सार्थक बारवकर व सार्थक कडू हे दोघेही एकत्र शिक्षण घेत असल्याने जिवलग मित्र होते.केडगाव – चौफुला प्रवास करत असताना त्यांच्या कारचा ताबा सुटल्याने वाहन थेट बोरमलनाथ ओढ्यात पलटी झाले. त्यात सार्थक बारवकर (रा.केडगाव) यांचा जागीच मृत्यू झाला तर त्याचा मित्र सार्थक कडू हा गंभीर जखमी झाला आहे.वाहनाची तीव्रता अधिक असल्याने कारचा अक्षरस:चक्काचूर झाल्याचे दिसते.सादर घटनेची माहिती केडगाव पोलीस चौकीचे सहाय्यक पोलीस निरीक्षक किशोर वाघज यांनी दिली.या दुर्दैवी घटनेने संपूर्ण केडगाव परिसरात हळहळ व्यक्त होत असून शोककळा पसरली आहे.
