पुणे: पुणे जिल्ह्यातील वडकी येथे ‘Ace Carz’ या मल्टी-ब्रँड कार सर्व्हिसिंग सेंटरचे उद्घाटन शिवजयंतीच्या निमित्ताने उत्साहात पार पडले. जुन्या मारुती डीलर एस कुदळे कार यांच्या निष्ठावान ग्राहकांच्या आग्रहावरून ही नवी सेवा सुरू करण्यात आल्याची माहिती आयोजकांकडून देण्यात आली.
उद्घाटन प्रसंगी फुरसुंगी नगरपरिषद अध्यक्ष संतोष सरोदे यांची प्रमुख उपस्थिती होती. तसेच फुरसुंगी-उरुळी देवाची नगरपरिषद गटनेत्या अमृता धनंजय कामठे, पंचायत समिती सदस्या विद्याताई दत्तात्रय गायकवाड, दीपकनाना कुदळे, व्यवस्थापकीय संचालक नीरज कुदळे, नाना मोडक, प्रा. दिलीप मोडक, महाराष्ट्र केसरी दत्ता गायकवाड आणि स्थानिक ग्रामस्थ मोठ्या संख्येने उपस्थित होते.
‘Ace Carz’ हे सर्व ब्रँडच्या वाहनांसाठी आधुनिक तंत्रज्ञानावर आधारित सर्व्हिसिंग सुविधा देणारे केंद्र असल्याचे सांगण्यात आले. वाढत्या वाहनसंख्येच्या पार्श्वभूमीवर शहराबाहेरील भागात दर्जेदार आणि विश्वासार्ह सर्व्हिसिंग सुविधा उपलब्ध व्हावी, हा उद्देश असल्याचे व्यवस्थापनाने स्पष्ट केले.
यावेळी कुदळे ग्रुपतर्फे सामाजिक बांधिलकी जपत 17 वी मोफत रुग्णवाहिका वडकी आणि फुरसुंगी परिसरातील नागरिकांसाठी तसेच भुजबळ हॉस्पिटलसाठी लोकअर्पण करण्यात आली. आपत्कालीन वैद्यकीय सेवांसाठी ही रुग्णवाहिका पूर्णपणे मोफत उपलब्ध राहणार असल्याची घोषणा करण्यात आली.
व्यावसायिक विस्तारासोबत सामाजिक जबाबदारीही पार पाडण्याचा कुदळे ग्रुपचा प्रयत्न असल्याचे मान्यवरांनी यावेळी नमूद केले. ग्रामीण आणि उपनगर भागात आरोग्य सुविधा अधिक सक्षम करण्यासाठी अशा उपक्रमांची गरज असल्याची प्रतिक्रिया उपस्थितांकडून व्यक्त करण्यात आली.
