Pune Crime : पिंपरी-चिंचवडमध्ये सार्वजनिक ठिकाणी अश्लील वागणूक करत सभ्यतेचा भंग केल्याप्रकरणी चार महिलांवर पोलिसांनी गुन्हा दाखल केला आहे. किवळे पुलाजवळ या महिला अशोभनीय हावभाव करत होत्या आणि त्यामुळे तिथल्या वाहतुकीलाही अडथळा निर्माण होत होता. शुक्रवारी सायंकाळी साधारण साडेसातच्या सुमाराला ही कारवाई करण्यात आली. (pune crime)
गुन्हे शाखेच्या AHTC पथकाचे अंमलदार उदयकुमार भोसले यांनी देहू रोड पोलिस ठाण्यात फिर्याद दिली आहे. पोलिसांना आधीच माहिती मिळाली होती की काही महिला तिथं उभ्या राहून अश्लील हावभाव करत लोकांचं लक्ष वेधत आहेत. त्यावर पोलिसांचं पथक लगेच तिथं पोहोचलं आणि पाहणी करून चार महिलांना ताब्यात घेतलं.
सार्वजनिक ठिकाणी गैरवर्तन आणि लोकांना आकर्षित करण्याच्या हेतूने केलेल्या हावभावाच्या आरोपाखाली त्यांच्यावर गुन्हा नोंदवण्यात आला आहे. नागरिकांची सुरक्षितता आणि परिसरात शांतता राखण्यासाठी ही कारवाई केल्याचं पोलिसांचं म्हणणं आहे. देहू रोड पोलीस या प्रकरणाचा पुढील तपास करत आहेत.
