पुणे: शिवाजीनगर परिसरात राहणाऱ्या 21 वर्षांच्या तरुणीला (Pune Crime) सतत त्रास देणाऱ्या एका रोड (Pune News) रोमिओला पोलिसांनी अटक करून चांगलाच धडा शिकवला आहे. तरुणीच्या मोबाईलवर वारंवार फोन करणे, जबरदस्तीने मैत्री करण्याचा प्रयत्न करणे आणि अश्लील व्हिडिओ-फोटो पाठवून लज्जा निर्माण करणे, अशा घाणेरड्या प्रकारात तो गुंतलेला होता. (Breaking News)
अटक झालेल्या आरोपीचे नाव अक्षय हनुमान काफरे (वय 31, रा. आगर हापुस बाग, गोल घुमटजवळ, ता. जुन्नर) असे आहे. या प्रकरणी तरुणीने शिवाजीनगर पोलीस ठाण्यात तक्रार दाखल केली होती. त्रास देण्याचा हा प्रकार 16 नोव्हेंबर रोजी रात्री साडेनऊ वाजता घडल्याचे माहितीतून समोर आले.
पोलिसांनी दिलेल्या माहितीनुसार, आरोपी काफरे हा तरुणीच्या संमतीशिवाय सतत फोन करून मैत्री करण्यासाठी दबाव टाकत होता. तो तिला अश्लील व्हिडिओ, फोटो आणि मेसेजेस पाठवायचा. सुरुवातीला तरुणीने त्याच्याकडे दुर्लक्ष केलं; पण त्याचा त्रास वाढत गेल्याने अखेर तरुणीने पोलीसांकडे धाव घेतली.
तांत्रिक तपासाद्वारे पोलिसांनी आरोपीचं लोकेशन शोधून काढलं आणि जुन्नरमधून त्याला ताब्यात घेतलं. अटक केल्यानंतर पोलिसांनी त्याला चांगलाच दम दिला. या प्रकरणाचा पुढील तपास पोलीस निरीक्षक धनंजय पिंगळे करत आहेत.
