पुणे: राज्यातील 29 महानगरपालिकांसाठी गुरुवारी (15 जानेवारी) पार पडलेल्या (Sonali Andekar) मतदानाचा निकाल आज जाहीर झाला. या निवडणुकीत अनेक (Ravindra Dhangekar) राजकीय घडामोडी चर्चेत राहिल्या, मात्र पुण्यातील प्रभाग क्रमांक 23 चा निकाल सर्वाधिक (Pune Mahapalika Result) लक्षवेधी ठरला. कारण, या प्रभागातून अजित पवार यांच्या नेतृत्वातील राष्ट्रवादी काँग्रेसने आयुष कोमकर हत्या प्रकरणात (Breaking News) तुरुंगात असलेल्या सोनाली आंदेकर आणि लक्ष्मी आंदेकर यांना उमेदवारी दिली होती. तुरुंगातून निवडणूक लढवलेल्या या दोघींचा निकाल आज समोर आला असून, सोनाली आंदेकर आणि लक्ष्मी आंदेकर दोघी विजयी झाल्या आहेत.
(Latest Marathi News)
या प्रभागात राष्ट्रवादीला केवळ एकच जागा मिळाली असून उर्वरित तीन जागांवर भाजपने विजय मिळवला आहे. विशेष म्हणजे याच प्रभागातून शिवसेनेचे नेते आणि माजी आमदार रविंद्र धंगेकर यांच्या पत्नी प्रतिभा धंगेकरही निवडणुकीच्या रिंगणात होत्या, मात्र त्यांनाही पराभव स्वीकारावा लागला.
सोनाली आंदेकर या वनराज आंदेकर यांची पत्नी असून आयुष कोमकर हत्या प्रकरणातील त्या आरोपी आहेत. लक्ष्मी आंदेकर यांच्यासह त्या सध्या न्यायालयीन कोठडीत आहेत. दोघींनाही विशेष न्यायालयाने सशर्त परवानगी देत उमेदवारी अर्ज दाखल करण्याची मुभा दिली होती. त्यानुसार त्यांनी 27 डिसेंबर रोजी अर्ज भरला होता. आंदेकर कुटुंबाचा गुन्हेगारी इतिहास लक्षात घेता या उमेदवारीवर राज्यभरातून टीका झाली होती.
अजित पवार यांनी पुणे गुन्हेगारीमुक्त करणार असल्याचा दावा केला असताना, गुन्हेगारी प्रकरणातील आरोपींना उमेदवारी दिल्यामुळे त्यांच्या भूमिकेवर प्रश्नचिन्ह उपस्थित करण्यात आलं होतं. भाजप नेत्यांनीही यावर जोरदार हल्लाबोल केला होता.
आजच्या निकालानंतर पुन्हा एकदा पुण्यातील राजकारण आणि गुन्हेगारी यांचं नातं चर्चेत आलं आहे. तुरुंगात असतानाही सोनाली आंदेकर यांचा विजय हा केवळ राजकीय नाही, तर सामाजिक आणि कायदा-सुव्यवस्थेच्या दृष्टीनेही गंभीर प्रश्न निर्माण करणारा निकाल मानला जात आहे. पुणेकरांनी दिलेल्या या कौलातून नेमका काय संदेश दिला आहे, यावर आता राजकीय वर्तुळात मोठी चर्चा रंगणार आहे.
