पुणे: पुणे महानगरपालिकेच्या (Punec Politics) निवडणुकीच्या पार्श्वभूमीवर दोन्ही राष्ट्रवादी काँग्रेस (Supriya Sule) एकत्र येण्याच्या चर्चांना पुण्यात वेग आला आहे. या पार्श्वभूमीवर राष्ट्रवादी काँग्रेस (Ajit Pawar) शरदचंद्र पवार गटाचे पुणे शहराध्यक्ष प्रशांत जगताप यांनी तीव्र नाराजी व्यक्त केली असून, दोन्ही राष्ट्रवादी एकत्र (Sharad Pawar) येण्याची घोषणा झाली तर मी (Pune NCP) राजीनामा देईन, असा निर्वाणीचा इशारा त्यांनी दिला आहे. पुण्यात भाजपला शह देण्यासाठी अजित पवार (Pune Election) यांनी शरद पवार गट आणि काँग्रेससोबत एकत्र येण्याचा विचार केल्याची चर्चा आहे. मात्र या एकत्रीकरणाला प्रशांत जगताप यांनी सुरुवातीपासूनच कडाडून विरोध केला आहे. (Latest Marathi News)
सतत नाराजी व्यक्त करून चालत नाही
या मुद्द्यावर राष्ट्रवादी काँग्रेसच्या कार्याध्यक्षा सुप्रिया सुळे यांनी माध्यमांशी प्रतिक्रिया दिली. प्रशांत जगताप यांच्या नाराजीबाबत बोलताना सुप्रिया सुळे म्हणाल्या की, प्रत्येक कार्यकर्त्याचे मत महत्त्वाचे आहे. प्रश्न मांडणे योग्य आहे, पण समाजात काम करताना सतत नाराजी व्यक्त करून चालत नाही. घरात नाराजी चालते, पण पक्ष आणि समाजासाठी काम करताना ती उपयोगाची ठरत नाही, असे त्यांनी स्पष्ट केले.
पुढे बोलताना सुप्रिया सुळे म्हणाल्या की, गेल्या काही दिवसांपासून लोकसभेचे अधिवेशन सुरू होते आणि अनेक महत्त्वाच्या विधेयकांवर चर्चा सुरू होती. त्यामुळे दिल्लीमध्ये राहावे लागले. आता महापालिका निवडणुका जाहीर झाल्यानंतर पुण्यातील परिस्थितीचा आढावा घेण्यासाठी त्या शहरात आल्या आहेत. पुण्याच्या विकासासाठी महाविकास आघाडी आणि समविचारी पक्ष एकत्र येत असतील तर एकत्र लढावे लागेल, असेही त्यांनी सांगितले.
निवडणुका येतात आणि जातात, पण पुण्यातील मूलभूत प्रश्न कायम आहेत, असे सांगत सुळे यांनी पाणीपुरवठा, प्रदूषण आणि नागरी समस्यांकडे लक्ष वेधले. २४ तास पाणी देण्याची घोषणा झाली होती, मात्र आजही अनेक ठिकाणी टँकरवर अवलंबून राहावे लागत आहे, असे त्यांनी नमूद केले. या निवडणुकीत केवळ तू तू मे मे करत बसायचे की पुण्यासाठी लढायचे, हा प्रश्न आहे, असेही त्या म्हणाल्या. पुण्यात सकारात्मक बदल हवा असेल तर समान विचारांच्या पक्षांनी एकत्र येऊन निवडणूक लढवणे गरजेचे आहे. दोन्ही राष्ट्रवादी काँग्रेस एकत्र लढवण्याबाबत चर्चा सुरू असल्याची माहितीही सुप्रिया सुळे यांनी यावेळी दिली.
