पुणे: पुण्यात महानगरपालिका (Pune Politics) निवडणुकीच्या पार्श्वभूमीवर (Pune Mahapalika Election) राजकीय घडामोडींना वेग आला आहे. निवडणूक एकत्र (Sharad Pawar) लढण्यासाठी सर्वच (Ajit Pawar) पक्षांकडून बैठका, चर्चा आणि चाचपणी सुरू आहेत. शिवसेना आणि भाजप युतीत (Udhhav Thackeray) निवडणूक लढवणार असल्याची चर्चा असली, तरी प्रत्यक्षात दोन्ही पक्षांमध्ये जागावाटपाचा तिढा अद्याप सुटलेला नाही. त्यामुळे पुणे (Pune Election) महानगरपालिकेच्या निवडणुकीसाठी महायुतीचं अंतिम गणित ठरलेलं नाही. (Latest Marathi News)
पुणे महानगरपालिकेत एकूण 165 जागा आहेत. यापैकी भाजप 125 हून अधिक जागा लढवण्याच्या तयारीत असल्याची माहिती आहे. मात्र एकनाथ शिंदे यांच्या शिवसेनेला केवळ 15 जागा देण्याचा प्रस्ताव असल्याचं बोललं जात आहे. हा प्रस्ताव शिवसेनेला मान्य नसल्याने पक्ष वेगळी भूमिका घेण्याच्या तयारीत असल्याची चर्चा आहे. दरम्यान, आरपीआय भाजपसोबतच निवडणूक लढवणार असल्याचं जवळपास निश्चित मानलं जात आहे. याच पार्श्वभूमीवर शिवसेना आणि अजित पवार यांच्या राष्ट्रवादी काँग्रेसमध्ये प्राथमिक चर्चा झाल्याची माहिती आहे, मात्र यावर कोणताही अधिकृत निर्णय झालेला नाही.
दुसरीकडे, पुण्यात दोन्ही राष्ट्रवादी काँग्रेस एकत्र लढणार अशी चर्चा सुरुवातीला होती. यासाठी अजित पवार गट आणि शरद पवार गटाच्या पदाधिकाऱ्यांच्या बैठका देखील पार पडल्या. मात्र घड्याळ या एकाच चिन्हावर लढण्याच्या मुद्द्यावर एकमत न झाल्याने या चर्चांना सध्या तरी ब्रेक लागलेला आहे.
दरम्यान, पुण्यात महाविकास आघाडी पुन्हा सक्रिय झाल्याचं चित्र आहे. काँग्रेस, राष्ट्रवादी काँग्रेस शरद पवार गट आणि उद्धव ठाकरे यांच्या शिवसेनेत 50–50–50 असा प्राथमिक जागावाटपाचा फॉर्म्युला ठरल्याची माहिती आहे. मनसेला सोबत घेण्याबाबतही चर्चा सुरू असून, उद्धव ठाकरे यांच्या शिवसेनेच्या कोट्यातूनच मनसेला जागा देण्याची शक्यता वर्तवली जात आहे.
महाविकास आघाडीचं अंतिम जागावाटप अद्याप ठरलेलं नसून बैठकींचं सत्र सुरूच आहे. पुण्यातील जागावाटपावर अंतिम निर्णय घेण्यासाठी मुंबईतील वरिष्ठ नेते पुण्यात दाखल झाले आहेत. त्यामुळे आगामी महापालिका निवडणूक भाजप विरुद्ध महाविकास आघाडी, की महायुती विरुद्ध महाविकास आघाडी अशी होणार, याकडे सर्वांचं लक्ष लागलं आहे.
