पुणे: पुणेकरांसाठी दिलासादायक आणि आनंदाची (Pune Metro 3) बातमी आहे. गेल्या अनेक वर्षांपासून ज्या मेट्रो मार्गाची नागरिक आतुरतेने वाट पाहत होते, तो बहुचर्चित हिंजवडी–शिवाजीनगर मेट्रो मार्ग अखेर (Pune Metro News) प्रत्यक्षात येण्याच्या टप्प्यात पोहोचला आहे. पुण्यातील आयटी हब हिंजवडीपासून शहराच्या मध्यवर्ती भागातील शिवाजीनगरपर्यंतचा 23 किलोमीटरचा मेट्रो मार्ग 3 मार्च 2026 पासून प्रवाशांच्या सेवेत दाखल होणार आहे. (Latest Marathi News)
हिंजवडी–शिवाजीनगर हा मार्ग पुण्यातील सर्वाधिक वर्दळीच्या आणि वाहतूक कोंडीने हैराण झालेल्या रस्त्यांपैकी एक आहे. रोज लाखो नोकरदार, विद्यार्थी आणि व्यापारी या मार्गावरून प्रवास करतात. हिंजवडीतील आयटी पार्क, वाकड, बालेवाडी, बाणेर, विद्यापीठ परिसर आणि शिवाजीनगर हे सगळे भाग एकमेकांशी थेट मेट्रोने जोडले जाणार आहेत. त्यामुळे रोजच्या प्रवासात जाणारा वेळ, इंधनाचा खर्च आणि ताण मोठ्या प्रमाणात कमी होणार आहे.
या प्रकल्पाचे काम नोव्हेंबर 2021 मध्ये सुरू झाले होते. आतापर्यंत माण ते सावित्रीबाई फुले पुणे विद्यापीठ चौक दरम्यानच्या 19 किलोमीटर मार्गावर यशस्वी चाचणी पूर्ण झाली आहे. उर्वरित सुमारे 5 किलोमीटरचा टप्पा अंतिम टप्प्यात असून, मार्च 2026 पर्यंत संपूर्ण मार्ग सुरू करण्याचे पीएमआरडीएचे उद्दिष्ट आहे.
या मार्गावर एकूण 23 स्थानके असणार असून मेगापॉलिस सर्कल, इन्फोसिस फेज 2, विप्रो फेज 2, वाकड चौक, बालेवाडी स्टेडियम, बाणेर, विद्यापीठ, आरबीआय, शिवाजीनगर, सिव्हिल कोर्ट आदी महत्त्वाच्या भागांचा समावेश आहे.
हा देशातील पहिला सार्वजनिक-खासगी भागीदारी (PPP) तत्त्वावर उभारलेला मेट्रो प्रकल्प असून त्यासाठी सुमारे 8,313 कोटी रुपये खर्च करण्यात आला आहे. या मेट्रोमुळे पुण्यातील वाहतूक कोंडी मोठ्या प्रमाणात कमी होणार असून प्रदूषणातही घट होईल. रोजच्या प्रवासात अडकून पडणाऱ्या लाखो पुणेकरांसाठी ही मेट्रो एक नवा श्वास ठरणार आहे.
